శివ నిర్మాల్యం తొక్కిన పాపం తీసివేసే కాశీలోని పుష్పదంతేశ్వరుడు"*

 *"శివ నిర్మాల్యం తొక్కిన పాపం తీసివేసే కాశీలోని పుష్పదంతేశ్వరుడు"* 

 

     "త్రిదళం త్రిగుణాకారం, 

     త్రినేత్రంచ త్రిఆయుధం, 

     త్రిజన్మ పాప సంహారం, 

     ఏకబిల్వం శివార్పణం" 

 

🔼 బ్రహ్మ విష్ణు శివాత్మకంగా, మూడుదళాలతో, లక్ష్మీదేవి నెలకొని ఉన్న మారేడుదళం శివుని పూజలో తప్పనిసరి. తులసి లేకుండా విష్ణు పూజ, మారేడు లేకుండా శివపూజ, 

గరిక లేకుండా గణపతి పూజ చేయగూడదంటుంది శాస్త్రం.  

 

అయితే శివాలయాలలో ఏదో సందర్భంలో బిల్వపత్రం పొరపాటున ఏమరుపాటున మన కాలికి తగిలితే మహాపాపం. శివపూజా ద్రవ్యాన్ని కానీ, నిర్మాల్యం (తీసివేసిన పూలు, బిల్వదళాలు) కానీ కాలితో తొక్కటం మహాపరాధం. మరి ఈ పాప నివృత్తికి ఋషులు చెప్పిన సనాతనసూత్రం "కాశీఖండం"లో సూచించబడిన పుష్పదంతేశ్వరుడే ఈ పాపాన్ని తొలగించగలడు. 

 

వారణాశిలోని మానససరోవర్ ఘాట్ వద్ద ఉన్న ఆంధ్రాశ్రమం నుండి ఇరుకుసందులగుండా విశ్వనాధ దేవాలయానికి వెళ్ళేదారిలో (ఎడమచేతివైపు పోస్టాఫీసువద్ద) ఈ పుష్పదంతేశ్వర స్వామి ఆలయం వుంది. (చౌశక్తిమాతా అలయాలు కుడివైపు సందులో వుంటే, ఈ ఆలయానికి ఎడమవైపు వెళ్ళాలి). ఆ స్వామి వారికి అపరాధం చెప్పుకొని ఒక బిల్వపత్ర్రాన్ని ఆయన శిరస్సుపై వుంచితే, శివద్రవ్యాన్ని లేదా శివనిర్మాల్యాన్ని తొక్కిన దోషం పోయి ఆయన అనుగ్రహాన్ని పొందుతాం. 

 

పుష్పదంతేశ్వర స్వామివారి ఆశ్సీసులు మనందరికీ కలగాలని ప్రార్ధిస్తూ... ఈసారి మీరు కాశీ వెళ్ళినప్పుడు తప్పకుండా స్వామి వారిని దర్శించండి. 

 *నోట్:- శివనిర్మాల్యం ఈ కాలంలో తొక్కని భక్తులు ఉండరు ఇది జంగన్వాడి జమ్మూ కాశ్మీర్ బ్యాంక్ (JK,,)పక్క సందులో నుంచి 300 మీటర్లు కూడా ఉండదు ప్రతి ఒక్కరూ దర్శించుకుని శివనిర్మాల్యం తొక్కిన పాపం నిర్మూలించ కొనవచ్చు.*