చతురత జూప నొప్పును

 చ.చతురత జూప నొప్పును విచక్షణతో హితమొందు చొప్పు స

న్మతులు చరించు మార్గమె సమంచిత రీతిని మేలు చేయు దు

ర్గతుల చరింప నయ్యది సుఖమ్ముల గూర్చునొ? కొందరేల? దు

ర్మతి చరియింప నెంచెద రమానుష దుర్గతు లిఛ్ఛగించుచున్ ౹౹ 39

చ.ప్రతి నిమిషమ్ము జీవన మవారిత రీతిని సార్థకమ్మగున్

హితమతి ధర్మ మార్గము వహించెడు సజ్జన సాహచర్య వి

స్తృత మహనీయ యోచనల తీరు గ్రహింప, ముదమ్మొసంగు సం

గతుల విలోకనామృత సకార విశేష వివేక మబ్బినన్౹౹ 40