రణభూమి లో

 > శ్లో॥

> న రణే విజయాత్ శూరో అధ్యయనాత్ న చ పండితః

> న వక్తా వాక్పటుత్వేన న దాతా చ అర్ధ దానతః

> ఇంద్రియాణాం జయే శూరో ధర్మాచరతి పండితః

> హిత ప్రయోక్తిభిః వక్త దాతా సన్మాన దానతః

> భావం:

> రణభూమి లో గెలుచినంత మాత్రం శూరుడు కాలేడు, గ్రంధాలు చదివినంతమాత్రాన పండితుడు కాలేడు, అనర్గళంగా మాట్లాడినంత మాత్రాన వక్త కాలేడు, ధనం ఇచ్చినంత మాత్రాన దాత కాలేడు. 

> ఇంద్రియములను జయించినవాడు శూరుడు, ధర్మాన్ని ఆచరించేవాడు పండితుడు, హితోక్తులు చెప్పేవాడు వక్త, గౌరవంగా సహాయం చేసేవాడు దాత.

######################

అనువాదపద్యము:

శా॥

*పోరాటమ్మున గెల్వ శూరుడగునే? స్పూర్తిన్ జితేంద్ర్యుండెపో*

*ఆరాటమ్మున విద్య గొన్న బుధుడే? యా ధర్మబద్ధుండెపో* 

*భూరిన్ మాటలు చెప్ప వక్త యగునే? ప్రోద్యద్ధితోక్తుండెపో*

*కారుణ్యమ్మున విత్తమీయ ప్రదియే? కాంక్షించి పూజించకన్*

----------------------------------------------------

మగడు=శూరుడు; ప్రది=దాత; పూజించు=గౌరవించు;

----------------------------------------------------

~"కవితాభారతి" 

*~శ్రీశర్మద*