అంతరంగమే భగవంతుడి నివాసం

 *భగవంతుడి నివాసం ఎక్కడ?*

           

*భగవంతుడు కేవలం స్థిర చిత్తం కలిగిన మనుష్యుని అంతరంగములో మాత్రమే ఉండటానికి ఇష్టపడతాడు, చంచల స్వభావం కలిగిన మనుష్యుని యందు భగవంతుని ఉనికిని కనుక్కోలేము.

*చంద్రుని ప్రతిబింబం.. పారే నదీ జలాలలో సరిగా చూడలేము, కానీ చలించని కొలను నీటిలో స్పష్టంగా చూడగలము.

*కొలనులోని నీటిలాగా మనసు నిశ్చలము చేసుకోవాలి, కోరికలు తీరిస్తే కొండలరాయుడు, కోరికలు తీరకపోతే బండలరాయుడు అనుకోవడం, సంకటమొస్తే భగవంతుడిని తలుచుకోవడం, సుఖమొస్తే భగవంతుని మర్చిపోవడం, మానవ సహజం!

*అలా కాకుండా, స్థిరచిత్తముతో స్మరణ, ధ్యానాది సాధనల ద్వారా మనస్సును, బుద్ధిని భగవంతుని యందు స్థిరం చేసుకోవాలి, అప్పుడు మన మనసుకు భగవత్తత్త్వం స్పష్టంగా గోచరిస్తుంది.

*అలాంటి హృదయంలో భగవంతుడు స్థిర నివాసం ఏర్పరచుకొని నిత్యం కాపాడుతుంటాడు.

*సరే మరి భగవంతుడు మన హృదయంలో స్థిరనివాసి కావాలంటే మన ఆధ్యాత్మిక జీవితం ఎలా ఉండాలి?*

*తామరాకు మీద నీటి బొట్టు ఎప్పుడు రాలిపోతుందో తెలియదు.. ఈ జీవితం కూడా అంతే... ఎప్పుడు మృత్యువు ముంచుకొస్తుందో తెలియదు...

*అలాగే ఈ ప్రపంచంలో దేనిని చూసీ గర్వపడవద్దు,

*మనుషులకు దగ్గరకావడానికి, చూడొద్దు, భగవంతునికి ఎలా దగ్గర కావాలో ఆలోచించుకోవాలి,

*నిత్యము ఆయనపై ధ్యాసతో, ధ్యానంతో ఉండాలి.

*వివేకంతో ఉండండం మంచిది, మనం చూసుకొని గర్వపడే వస్తువులు, డబ్భు, మనుషులు, ఎప్పుడో ఒకప్పుడు విడిచిపోక తప్పదు!

*శాశ్వతమైనది భగవత్ సాన్నిధ్యం ఒక్కటే...!*

*మనలో అహంకారం దూసుకొని వస్తూ ఉంటే, ఆత్మజ్ఞానం వెనక్కి వెళుతూ ఉంటుంది.*

*ఆత్మజ్ఞానం ముందుకు వస్తూ ఉంటే, అజ్ఞానం వెనక్కి వెళుతూ ఉంటుంది.*

*ఆత్మజ్ణానాన్ని మనం పోషించుకుంటూ ఉండాలి.

*అప్పుడే ఆధ్యాత్మికంగా అభివృద్ధిలోకి వస్తాము...!

 *పిల్లలు ఇసుకలో పిచ్చుకగూళ్ళు కడతారు, అలాగే పేక ముక్కలతో మేడ కడతారు, వాటిని ఎంతో తేలికగా పడగొట్టవచ్చు! 

*అలాగే ఈ అహంకారం నిజంకాదని తెలిస్తే దాన్ని అంత తేలికగానూ పడగొట్టవచ్చు. 

*పడిపోయిన పేక ముక్కల మేడ, కూలిపోయిన ఇసుకలోని పిచ్చుక గూడు చూసి పిల్లలు కేరింతలు కొడతారు... కానీ బాదపడరు...*

అలాగే 

*మమకారంతో మనం పెంచుకున్న, బంధాలు, అనుబంధాలు తెగిపోయినప్పుడు సంతోషించాలి కానీ కృంగి పోకూడదు...* 

*అహంకారంతో మనం పెంచుకున్న డాంబికత్వం పాలమీద పొంగు లాంటిది... అది వదిలించుకునే ప్రయత్నం చెయ్యాలి కానీ, అందులోనే మునిగి పోకూడదు...*

 

*వర్తమానంలో జీవించాలి... మనస్సును గతానికి, భవిష్యత్తుకు బానిసను చేయకూడదు... జరిగేదంతా సాక్షిగా చూడాలి..*

 

అప్పుడు *నీ అంతరంగమే భగవంతుడి నివాసంగా మారుతుంది....*  

*ఓం తత్ సత్*

🙏🙏🙏🙏🙏