వార్ధక్యంలో

*కం*

రక్కసుడై చెలరేగుచు

గ్రక్కున ప్రాణాలుతీయు కర్కశుడైనన్.

చిక్కని(చిక్కగ) వార్ధక్యంబున

ఠక్కున చిరుచీమకరువ ఠారును సుజనా.

*భావం*:-- ఓ సుజనా! రాక్షసుడు గా చెలరేగుచూ వెంటనే ప్రాణాలు తీయగల కఠినాత్ముడైననూ వృద్ధాప్యం తో కృశించినపుడు చిన్న చీమ కరువగానే మరణభీతుడగును.

*సందేశం*:-- చేతనత్వమున్న యవ్వనంలో ఎంతటి చేటుపనులు చేసిన నూ వార్ధక్యంలో అనుక్షణం భయంతో నే బతకాలి.

*** *కొంపెల్ల శ్రీనివాస శర్మ*

*కం*

తప్పని గుర్తించినపుడు

తప్పకనాతప్పు నెల్ల తక్కించదగున్.

తప్పని యెరిగియు పరిపరి(మరి యా)

తప్పొనరించంగ శిక్ష తప్పదు సుజనా.

*భావం*:-- ఓ సుజనా! తప్పు అని గుర్తించిన తరువాత తప్పకుండా ఆ తప్పును తిరిగి చేయరాదు. తప్పని తెలిసిన తరువాత కూడా అదే తప్పు చేస్తే శిక్ష తప్పదు.

*** *కొంపెల్ల శ్రీనివాస శర్మ*