కనిపెంచెడి తలిదండ్రులు

*కం*

కనిపెంచెడి తలిదండ్రులు

కనిపించెడి గురువులయ్యు కనుగొన వలయున్.

కనబడని దైవమెప్పుడు

పెనుగురువై నడుపుచుండు విడువక సుజనా.

*భావం*:-- ఓ సుజనా! కని,పెంచెడి తల్లిదండ్రులు మనకు కనిపించే గురువులని గుర్తించవలెను. కనిపించని దైవము ఎల్లప్పుడూ పెద్ద గురువై మనలను విడిచిపెట్టకుండా నడిపించును.

*** *కొంపెల్ల శ్రీనివాస శర్మ*

*కం*

అక్షరమే యాధారము

నక్షరమే ఆయుధమగు ననిరుధ్ధముగన్

అక్షరసేద్యంబొనరెడు

సాక్షాద్దైవంబుగురువు సతతము సుజనా.

*భావం*:-- ఓ సుజనా! అక్షరమే మనకు ఆధారం,అక్షరమే నిరంతర ఆయుధం కాగలదు. అటువంటి అక్షరాల వ్యవసాయం చేసే మనకు కనిపించే దైవమే ఎల్లప్పుడూ గురువు.

*** *కొంపెల్ల శ్రీనివాస శర్మ*