భక్తకవి పోతన

 భక్తకవి పోతన

 సీ. 'కుప్పించి యెగసిన కుండలంబుల కాంతి'

                పరికించి చూచిన భక్తవరుడు

     'ఎవనిచే జనియించు నీ జగమ్మ 'నుచును 

               'కరిచేత' తెల్పిన పరమబుధుడు

     'రాజులు గల్గరే ! రాజ్యంబు లేలరే !

               యవనిలో  నుండిరే!' యనిన ఘనుడు

      కన్నీరు నింపిన కమలాసనునిసతి 

                న్నోదార్చి పొగడిన యోగివరుడు

తే. భక్తి వైరాగ్య కావ్యమౌ భాగవతము

      రచన జేసియు నత్యంత రమ్యముగను 

      తెలుగు వారికి నిచ్చిన  దివ్య సుకవి

      పోతనకు మించి యెవ్వరు పుడమి గలరు ?

అట్టి కవివర్యునకు భక్తి నంజలింతు

✍️గోపాలుని మధుసూదన రావు 🙏