7, అక్టోబర్ 2023, శనివారం
నవగ్రహ పురాణం - 73 వ అధ్యాయం*
*నవగ్రహ పురాణం - 73 వ అధ్యాయం*
🪷🪻🌿🪷🪻🌿🪷🪻🌿🪷🪻🌿🪷
*కుజగ్రహ చరిత్ర - 3*
*"అమ్మా ! నేను మంగళవారం జన్మించాను ! నాకు నువ్వు నేడు - అంటే మంగళవారమే దర్శనం అనుగ్రహించావు. నా పేరు మంగళుడు ! ఈ 'మంగళ' శబ్దం మనిద్దరినీ కలిపి ఉంచాలి. నా నామధేయం నీ నామధేయంతో కలిసి పరమపావనం కావాలి ! అనుగ్రహించు !"*
*“తథాస్తు ! నీ ఆలోచనా సరళి నన్ను అలరిస్తోంది."* పార్వతి చిరునవ్వులు చిందిస్తూ అంది. *"నువ్వు ఆవిర్భవించింది మంగళవారం ! నేను నీ ముందు అవతరించింది మంగళవారం ! నీ పేరు మంగళ... నా పేరు కూడా మంగళను స్వీకరిస్తుంది. 'చండిక' అయిన నేను ఈనాటి నుండి 'మంగళ చండిక'గా వ్యవహరింపబడతాను !”*
*"ధన్యోస్మి మాతా, మంగళ చండికా !”*
*"ఇంకా ఏం కావాలో కోరుకో కుమారా !”*
*“అమ్మా ! నీకు ఇష్టమైన వరం ప్రసాదించు !"* కుజుడు వినయంగా అన్నాడు.
*"నీ వినయం , నీ ఆప్యాయతా నాకు సంతోషాన్ని కలిగిస్తున్నాయి. పరమేశ్వరుల స్వేదపుత్రుడుగా జన్మించావు , నా నామధేయాన్ని నీ నామధేయంతో పొదుగుకున్నావు. పేరును అంటిపెట్టుకుని నీ పేరు ఉన్నట్టే - నా సమీపాన నువ్వు ఎప్పుడూ ఉండేలా వరమిస్తున్నాను...”*
*“అమ్మా !”*
*"ఔను ! ఈ మంగళచండిక గ్రామ దేవతగా ఎక్కడెక్కడ నెలకొని ఉంటుందో , అక్కడ నువ్వు నెలకొని ఉంటావు ! నాతో బాటుగా పూజలు అందుకుంటావు !"*
*“ధన్యోస్మి మాతా !”* కుజుడు చేతులు జోడించాడు.
*"మంగళా ! నీకు మరొక వరం కూడా ఇస్తున్నాను. నిన్ను ఆరాధించే వాళ్ళకు నా అనుగ్రహం లభిస్తుంది !"* మంగళచండిక చెయ్యెత్తి దీవిస్తూ అంది.
కుజుడు భక్తి పారవశ్యంతో చండిక చరణాల ముందు సాగిలపడి , సాష్టాంగ నమస్కారం చేశాడు. ఇందాక ఆ ప్రాంతాన్ని ఆవరించిన మనోహర సుగంధం దూరంగా వెళ్తున్నట్టు అనిపించింది కుజుడికి. మెల్లగా పైకి లేచాడు.
అంబ అప్పటికే అంతర్థానమైంది.
*"చాలా సంతోషం నాయనా ! ఊహకు అందని దివ్యమైన వరం కోరావు !"* భూదేవి మెచ్చుకుంటూ అంది. *"నీ మాతృభక్తి నీకు తెలియకుండానే , చిగురు తొడిగింది. నీ జనకులు పరమేశ్వరులు నీ జనన సమయంలో ప్రసాదించిన పేరులో ఈ అమ్మ భూదేవి మిళితమై ఉంది. ఆ తండ్రికి ఇల్లాలైన ఆ చండిక కూడా నీ పేరులో మిళితమైంది. ఇందులోని అద్భుతమైన విశేషమేమిటో నీకు తెలుసా , కుజా ?"*
కుజుడు మంత్రముగ్ధుడిలా తల అడ్డంగా ఊపి , తనకు తెలియదని తెలియజేశాడు.
భూదేవి చిరునవ్వు నవ్వింది. *“నీ నామధేయంతో తమ నామధేయాలను కలిపి అల్లుకున్న తల్లులిద్దరిలో ఎవ్వరూ నిన్ను కన్నతల్లి కాదు. అంటే ఈ భూమాత నిన్ను కనలేదు. ఆ చండికామాతా నిన్ను కనలేదు ! అంటే , గర్భవాసక్లేశం అనేది లేకుండా... జన్మించిన మహా అదృష్టం నీది ! నీ జననంలోని విశేషం ఇదే ! అలాగే గర్భభార క్లేశమూ , ప్రసవ వేదన , ప్రసవమూ అనేవి లేకుండా నీకు తల్లులైన అదృష్టం ఆ దేవిదీ , నాదీ !"*
*"అమ్మా , నీ మాటలు వింటూంటే నేను మహాభాగ్యశాలి ననిపిస్తోంది !"* కుజుడు ఆనందంగా అన్నాడు.
*"అందుకు సందేహం లేదు నాయనా ! నిన్ను సేవించే వాళ్ళకూ ఆ మహద్భాగ్యం కలుగుతుంది. ఇప్పుడు నీకు సేవలు చేయడానికి పత్ని కావాలి. తగిన వధువును అన్వేషించు ! పార్వతీపరమేశ్వరుల ఆశీస్సులతో వివాహం జరిపిస్తా !”* అంది భూదేవి.
*"అలాగే , అమ్మా ! వధూన్వేషణ ప్రారంభిస్తాను. ఆశీర్వదించు !"* కుజుడు. నమస్కరించాడు.
*"విజయోస్తు ! కళ్యాణమస్తు !"* భూదేవి ద్విముఖంగా ఆశ్వీరదించింది.
భూమాత దీవించినట్లే కుజుడు - వధువు కోసం సాగించిన అన్వేషణలో విజయం సిద్ధించింది. 'శక్తి' అనే సౌందర్యవతి లభించింది. ఆమెతో కుజుడి కళ్యాణం వైభవంగా జరిగింది. పార్వతీపరమేశ్వరులూ , లక్ష్మీ విష్ణువులూ , సరస్వతీ బ్రహ్మలూ నూతన దంపతులను దీవించారు.
*“నాయనా , త్రిమూర్తుల ఆదేశం ప్రకారం విశ్వకర్మ నీకు మందిరం నిర్మించాడు. సతీసమేతంగా నీ మందిరంలో నివాసం ప్రారంభించు !”* భూదేవి కుజుడితో అంది. కుజుడు విచారంగా ఆమె వైపు చూశాడు. *"నిన్ను వదిలి వెళ్ళను !"* అన్నాడు నిష్కర్షగా.
భూదేవి చిరునవ్వు నవ్వింది. *"తప్పదు నాయనా ! నువ్వు కారణజన్ముడివి. నీ ఆవిర్భావానికి ఒక ఉద్దేశం , ఒక మహాలక్ష్యం ఉన్నాయి. ఆ లక్ష్యం నెరవేరాలంటే నువ్వు నీ స్థానంలో ఉండి తీరాలి. నువ్వు నన్ను వదిలి ఎక్కడికీ పోలేవు. ఎక్కడ ఉన్నా నన్ను దర్శించకుండా ఉండలేవు. నేను విపులను ! విపులమైన విస్తారమైన పృథ్విని కదా నేను !"*
కుజుడి ముఖం మీద చిరునవ్వు పరుచుకుంది. *“ఎక్కడ ఉన్నా నీ దగ్గరే ఉన్నప్పుడు నీ ఆజ్ఞ ప్రకారం అక్కడికే వెళ్తాను !”* అంటూ కుజుడు భూమాతను కౌగిలించుకున్నాడు. శక్తి కళ్ళల్లో ఆనందబాష్పాలు నిండుతున్నాయి.
*“గురువుగారూ , నవగ్రహాల చరిత్రలు విన సొంపుగా ఉన్నాయి ! ప్రతీ చరిత్రలోనూ ఒక పరమార్థం ఉంది !"* చిదానందుడు ఉత్సాహంగా అన్నాడు. కుజుని చరిత్ర ముగించిన నిర్వికల్పానందతో.
*"అవును ! ఇప్పుడు మీరు ఆలకించబోయే బుధుడి చరిత్ర ఇంకా ఆకర్షణీయంగా ఉంటుంది. అది అద్భుతాలకు ఆటపట్టు !"* నిర్వికల్పానంద అన్నాడు.
*"పితామహులైన అత్రి మహర్షి వద్ద విద్యాభ్యాసం చేస్తూ బుధుడు పెరుగుతున్నాడని విన్నాం !"* సదానందుడు గుర్తు చేసుకున్నాడు..
*"అత్రీ అనసూయల పెంపకంలో బుధుడు యువకుడయ్యాడు. అతడు స్వయం సాధనలో , స్వయం పోషణలో జీవించాల్సిన సమయం వచ్చినట్టు గుర్తించాడు అత్రి మహర్షి. ఆ విషయాన్ని సతీమణి అనసూయతో చర్చించాడు...”* నిర్వికల్పానంద కథనం ప్రారంభించాడు...
*రేపటి నుండి బుధగ్రహ చరిత్ర ప్రారంభం*
శ్రీ మద్భగవద్గీత🪷* *🌸 అథ ద్వితీయోధ్యాయః
*🕉️🪷 ఓం శ్రీ కృష్ణపరబ్రహ్మణే నమః 🪷🕉️*
*🪷 శ్రీ మద్భగవద్గీత🪷*
*🌸 అథ ద్వితీయోధ్యాయః 🌸*
*🌸 సాంఖ్య యోగః 🌸*
*2-అధ్యాయం,52వ శ్లోకం*
*యధాతే మోహ కలిలం బుద్ధిర్వ్యతి తరిష్యతి |*
*తదా గంతాసి నిర్వేదం శ్రోత వ్యస్య శ్రుతస్య చ||*
*ప్రతిపదార్థం*
యదా = ఎప్పుడైతే; తే =నీ యొక్క; మోహ = మోహము ; కలిలం =క్లిష్టపరిస్థితి (ఊబి); బుద్ధిః = బుద్ధి; వ్యతితరిష్యతి = దాటిపోవును; తదా = అప్పుడు; గంతాసి = నీవు పొందెదవు; నిర్వేదం = వైరాగ్యమును; శ్రోతవ్యస్య = ఇంకా వినబోయే దానికి; శ్రుతస్య =ఇప్పటి దాక విన్న దానికి; చ = మరియు.
*తాత్పర్యము*
మోహమనెడి ఊబి నుండి పూర్తిగా బయటపడి నప్పుడే నీవు వినిన, వినబోవు ఇహ పరలోక సంబంధమైన సమస్త భోగముల నుండి వైరాగ్యమును పొందగలవు
*సర్వేజనాః సుఖినోభవంతు*
*హరిః ఓం 🙏🙏*
రామాయణమ్ 347
రామాయణమ్ 347
...
చిన్నాన్నా! ఏమిటీ పిరికితనము!మనకులములో పుట్టని సామాన్యుడు కూడా ఈ విధముగా మాటలాడడే నీకెచటినుండి వచ్చినదీ బేలతనము ! ఒక సామాన్య రాజపుత్రయువకుని చూసి మనము భయపడుటయా?
.
ముల్లోకములకూ ప్రభువైన దేవేంద్రుని నేను నేలపై పడవేసి ఈడ్వలేదా ! అది నీకు గురుతులేదా! ఐరావతదంతములు ఊడబెరికి దేవతలను భయభ్రాంతులకు గురిచేయలేదా !
.
అంతటి మహాపరాక్రమవంతుడనైన నేను ఆ రామలక్ష్మణులను ఓడించలేనా ? ఎందుకు పినతండ్రీ ఈ అర్ధములేని వ్యర్ధపు పిరికి మాటలు ....అని ఇంద్రజిత్తు విభీషణునితో గర్వముగా పలికెను.
.
అది విని విభీషణుడు ," నాయనా మేఘనాధా ! నీవింకా చిన్నవాడవు ! బుద్ధి పరిపాకము చెందలేదు ! మంత్రాంగమునందు నీకింకా నిశ్చితమైన బుద్ధిలేదు .నీ మాటలు ఆత్మవినాశకారకములు.
.
తీక్షణమైన స్వభావము కల!
నిన్ను ఈ మంత్రాంగమందిరములోనికి అనుమతించినవాడు దండనార్హుడు.
.
రామబాణములు మృత్యుదేవత ఒడిలోనికి నెట్టివేయు యమదండములు అవి మనజాతికి పెనుగండములు.
.
రాజా ! నా మాట విను సీతమ్మను సర్వరాజలాంఛనాలతో ఆయనకు అప్పగించు. నా మాట విను మన జాతిని కాపాడు అని రాక్షససార్వభౌముని వేడుకొన్నాడు.
.
స్థిరగంభీరముగా హితవుపలికిన విభీషణుని చూసి ఈసడించి, ఛీ ! శత్రువుతోనైనా బ్రతుకవచ్చు
పామును ఒడిలో పడుకొనపెట్టుకొనవచ్చు !...కానీ నీలాంటి బంధువు రూపములోని శత్రువుతో ఒక్క క్షణము కూడా కలిసి ఉండలేము.
.
జ్ఞాతుల స్వభావమే అంత! వారు తమకన్నా ప్రధానుడు,విద్యావంతుడు,శూరుడు అయిన వానిని తిరస్కరింతురు.
.
ఒక పూవునుండి మకరందము సేకరించు తుమ్మెద ఆ పూవువద్ద కృతజ్ఞతతో ఉండక మరియొక పూవు వద్దకు వెళ్ళును .నీవునూ అట్లే !
.
నీవు కాక మరొకడెవ్వడైనా ఇటుల మాటలాడి ఉన్నచో వాని కుత్తుక ఈ పాటికే ఉత్తరింపబడియుండెడిది.
.
ఛీ! కులద్రోహీ వెళ్ళిపో నా ముందునుండి అని తీవ్రముగా హెచ్చరించాడు రావణుడు.
.
ఆ వెనువెంటనే విభీషణుడు గద ధరించి ఆకసములోనికి ఎగురగా ఆయనను నలుగురు సహచరులు అనుసరించిరి.
.
వూటుకూరు జానకిరామారావు
.
.
వేద ఆశీర్వచనం.
*నమస్తే సదా వత్సలే మాతృ భూమే!*
🌷🌷🌷
*కలియుగాబ్ది 5124* *శ్రీ శాలివాహన శకం 1944 స్వస్తి శ్రీ చాంద్రమాన శోభకృత్ నామ సంవత్సరం దక్షిణాయనం - వర్ష ఋతువు - భాద్రపద మాసం - కృష్ణ పక్షం - అష్టమి / నవమి - పునర్వసు - స్థిర వాసరే* *(07-10-2023)*
ప్రముఖ వేదపండితులు, *బ్రహ్మశ్రీ గుళ్ళపల్లి శివశర్మ ఘనపాఠీ* గారి నేటి వేద ఆశీర్వచనం.
🙏🙏
పదవిని బట్టి విలువ!
పదవిని బట్టి విలువ!
ఉ: "స్థాన విశేష మాత్రమున 'తామఱపాకున నీటిబొట్ట'! నిన్
బూనిక మౌక్తికంబనుచుఁ బోల్చినమాత్రన నింత గర్వమా?
మానవతీ శిరోమణుల మాలిక లం దునఁ గూర్ప వత్తువో?
కానుక లీయవత్తువొ? వికాసము నిత్తువొ? విల్వ నిత్తువో?
చాటుపద్యం-- నందితిమ్మన-- రాయల యాస్థాని!
విచిత్రమైన పద్యమే ! కానీ లోకంలో నకీలీల బారిన పడి బాధపడుతున్నవారెందరో? అలాంటి కవులెవ్వరో రాయల పరిసరాలలో చేరి డాబుచేస్తూ, తిమ్మనకు దక్కవలసిన గౌరవాన్ని దక్కకుండా చేస్తున్నారేమో? వారిని మనస్సులో
పెట్టుకొని తిమ్మనగారు యీపద్యం వ్రాశారు.
" ఉదయపువేళలో సరోవరాలలో కనిపించే దృశ్యం,తామఱాకుపై పడిన నీరు ముత్యంలా తళతళలాడుతూ కనిపిస్తుంది.సూర్యరస్మి వలన తామరపాకుకుండే స్నిగ్ధత్వంవలన ఆవిధంగా కనిపిస్తుంది.చూచేవారికది ముత్యమేమోనని భ్రమకల్గిస్తుంది.
అది నీరేగానీ ముత్యంగాదు. అదిగో దాన్ని నిందిస్తున్నట్లుగా సాకుచేసికొని తిమ్మనగారు యీవిధంగా అంటున్నారు.
"ఓనీటి చుక్కా! తామఱపాకుపై నిలచి నేను ముత్యాన్నని డాబులు కొట్టబోకు. తెలియని వారు నిన్ను ముత్య
మనుకొనినంత మాత్రమున నీకంతగర్వమా? నీవేమైనా ఆడవారి పూమాలలలో నలంకరింప దగియున్నావా? కానుకలిచ్చుటకు పనికివత్తువా? నీవల పరిసరములకేదైన వికాసము కలుగునా? అమ్ముకొందమనిన నీకేమైన విలువయున్నదా? గాలివాటుకు నీటిలోకిజారితివా? ఇకనీపనిశూన్యము. ఇంతదానికంత మిడిసిపడుటయేల? మేలుగాదు సుమా?"-అని హెచ్చరిక!
నేడు గూడా యేమాత్రము విలువలేనికొందరు మహానాయకుల నాశ్రయంచి తామేదో మహనాయకులమన్నట్లు
డాబులు చేయువారున్నారు. అట్టి నకిలీల కందరకూ యాపద్యము చెంపపెట్టు.
మహా కవుల నర్మగర్భసందేశము లిట్లుండును!
స్వస్తి!🙏🙏🌷🌷🌷🌷💐💐💐🌷🌷🌷🌷🌷🌷🌷🌷
6, అక్టోబర్ 2023, శుక్రవారం
సౌందర్యలహరి🌹* *శ్లోకం - 45*
🌹🌹🍃🍃🌹🌹🍃🍃🌹🌹
. *🌹సౌందర్యలహరి🌹*
*శ్లోకం - 45*
🌷🪷🌷🪷🌷🪷🌷🪷🌷🪷
*అరాళైస్స్వాభావ్యా దళికలభ సశ్రీభిరలకైః*
*పరీతం తే వక్త్రం పరిహసతి పంకేరుహరుచిమ్ |*
*దరస్మేరే యస్మిన్ దశనరుచి కింజల్కరుచిరే*
*సుగంధౌ మాద్యంతి స్మరమధన చక్షుర్మధులిహః ‖*
ఈ శ్లోకంలో అమ్మవారి ముఖమును గురించి ధ్యానము చేస్తున్నారు.
సుగంధములు *అరాళ* వెదజల్లే అమ్మవారి ముఖ పద్మముపై ముంగురులు *అలకై:* పడుతుంటే అవి ఎలా వున్నాయంటే విచ్చుకున్న పద్మములపై వ్రాలే తుమ్మెదపిల్లలు *అలికలభ* వలె వున్నాయి. అమ్మవారు చిరునవ్వు నవ్వుతుంటే ఆమె తెల్లని దంతములు మెల్లగా విచ్చుకుంటున్న పద్మముల లోపలి కేసరములు *కింజల్కములు* వలె మెరుస్తున్నాయి.
తాంబూల సేవనం వల్ల సుగంధములు వెదజల్లుతున్న ఆమె ముఖపద్మముపై మన్మధుడిని దహించిన శివుని చూపులు సంచరిస్తూ ఆ సుగంధమును, మకరందమును ఆస్వాదిస్తున్నాయి. *సుగంధౌ మాద్యంతి స్మరదహన చక్షుర్మధులిహః* అనగా పుష్పబాణములు వేసిన మన్మధుడిని దహించి వేసిన శివుడు కూడా అమ్మవారి ముఖ పద్మము యొక్క ఆకర్షణకు ఆ సుగంధ పరిమళములకు వశమయ్యాడు అని భావం.
*శుద్ధ విద్యాంకురాకార ద్విజపంక్తి ద్వయోజ్జ్వలా*, *కర్పూర వీటికామోద సమాకర్షద్దిగంతరా* అనే అమ్మవారి నామములు ఇక్కడ స్మరింపదగినవి.
ద్విజములు అంటే దంతములు అని ఒక అర్థం. అవి
శుద్ధవిద్య
బ్రహ్మవిద్య/షోడశి విద్య మొలకల (బ్రాహ్మణములు) వలె తెల్లగా వున్నాయట. అమ్మవారి తాంబూలములోని పచ్చకర్పూర కళికల పరిమళము దిక్కులన్నిటినీ ఆకర్షించుతూ ఆనందమును పంచుతున్నదట. అనగా అమ్మవారి శుద్ధవిద్య పలుకుల వల్ల జ్ఞానులందరికీ ఆనందము కలిగిందని భావం. షోడశి మంత్రము లోని శివ,శక్తుల బీజాక్షరముల దళములు 32
అమ్మవారి దంతములుగా ప్రకాశిస్తున్నాయని శ్రీవిద్యోపాసకులైన పెద్దలు చెప్తారు.
🙏🏻 *శ్రీమాత్రే నమః*🙏🏻
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🌺🌹🌺🌹🌺🌹🌺🌹🌺🌹
దీనికి సబ్స్క్రయిబ్ చేయి:
కామెంట్లు (Atom)