చాటువు

 ;

ఉ. “కప్పుర భోగి వంటకము కమ్మని గోధుమ పిండివంటయున్ 

గుప్పెడు పంచదారయును గ్రొత్తగ గాచిన యాలనేయి పెస 

ర్పప్పు ను నల్లపు గొమ్మ నటి పండ్లును, నాలుగు నైదు నంజలున్ 

లప్పల తోడ క్రొంబెరుగు లక్షణ వజ్జల యింట రూకకున్.”

ఈ పద్యం క్రీడాభిరామం లోనిది. దీనిని శ్రీ నాధుడు వ్రాశాడనీ , వినుకొండ వల్లభ రాయుడు వ్రాశాడనీ రెండు రకాలుగా జనశ్రుతి వుంది. 

మంచన భట్టు , టిట్టిభ సెట్టి అనే ఇద్దరు దేశాటనం చేస్తున్నప్పుడు ఒక పూట కూళ్ళ యింటిలో లభించే భోజనాన్ని వర్ణించే పద్యం ఇది. 

( ఓరుగల్లు లో వాళ్ళిద్దరూ సంచారం 

చేస్తున్నప్పుడు చేసిన వర్ణన )

ఒక రూక కు ( ఇప్పటి రూపాయి కాదు. ) లక్ష్మణ వజ్జల అను వాని పూటకూటి యింటిలో లభించే భోజనం : 

 కప్పురభోగి అనే మేలిరకం బియ్యపు అన్నమూ, గోధుమ పిండి పణ్యారాలు , పంచదార, తాజా ఆవునేయి, పెసరపప్పు, అల్లపుకొమ్మూ, అరటి పండ్లూ, నాలుగైదు కూరలు ,గిన్నెలతో అప్పుడే తోడుకొన్న గడ్డ పెరుగు - వీటన్నిటి తో ఒక్క రూక కే కమ్మటి భోజనం !.

 “ లప్ప” : పాత్ర, గుండిగ , తప్పేల , తళిగ , బాన , బిందె మొ. 

 .