శివామృతలహరి

            .శ్రీ.చిల్లర కృష్ణమూర్తి గారు వ్రాసిన

 #శివామృతలహరి శతకంలోని ఒక పద్యం;

మ||

శివుడే సత్యము; నిత్యమున్ శివుడె; రాశీభూత సౌందర్యమున్

శివుడే; ధర్మముమర్మమున్ శివుడె; సుజ్జేయంబు విజ్ఞానమున్

శివుడే; జ్ఞాతయు నేతయున్ శివుడె ; సంక్షేపింప సర్వాత్ముడౌ

శివుడే లేని శరీరముండు శవమై శ్రీ సిద్ధలింగేశ్వరా!

భావం; ( నాకు తెలిసినంత వరకు)

ఈ చరాచర సృష్టి జగత్తులో

శివుడే నిజము,నిత్యము ప్రకాశించేది శివుడే, నిలువెత్తు అందానికి నిర్వచనము శివుడే, సృష్టి ధర్మమూ, సృష్టి రహస్యం కూడా శివుడే, సమస్త విజ్ఞాన సంపత్తి శివుడే,ఎరుక ఉన్నవాడు శివుడే, ఏలిక శివుడే.

సంగ్రహంగా చెప్పాలంటే అన్ని ప్రాణులలోనూ ఆత్మ స్వరూపంగా శివుడే వెలుగొందుచున్నాడు.

శివుడు లేని శరీరం శవం తో సమానం కదా! శ్రీ సిద్ధ లింగేశ్వరా!