వేమనపద్యాలు

 *(అ)వేమనపద్యాలు*

సీ.

రాజ్యాధికారాన ప్రభవించి శ్రుతిమించి

          సుఖభోగముల నెల్ల జుఱ్ఱి జుఱ్ఱి 

స్పర్శవేధిని నేర్చి బైరాగిగా మారి 

          వేదాంతవేదియై వెలసి నిలచి 

లోకహితములెన్నొ రూఢిగా నెఱిగించె 

          తనదైన శైలిలో ధాటి మెఱయ 

దృష్టాంతముల జూపి దీటైన పద్యాల 

          సన్మార్గమును జూపె జనుల కొఱకు 

వేవేల పద్యాల వేలనీతుల జెప్పి 

          వేమన్న యనుపేర వెలసె నతడు 

మూఢపద్ధతుల రోసి మోసాల తెగటార్చి 

          సన్మార్గముల జూప సాగినాడు 

ఆ.వె.

సంస్కరించె నాడు సంఘోన్నతిని గోరి 

ప్రజలలోని మూఢపథములన్ని 

వినుము విను మటంచు వేదమ్ము పలికిన 

వేమనార్యు తలతు వినతితోడ 

*~శ్రీశర్మద*