🌹🌹🍃🍃🌹🌹🍃🍃🌹🌹
. *🌹సౌందర్యలహరి🌹*
*శ్లోకం - 54*
🌷🪷🌷🪷🌷🪷🌷🪷🌷🪷
*పవిత్రీకర్తుం నః పశుపతిపరాధీన హృదయే*
*దయా మిత్రై ర్నేత్రై రరుణధవళ శ్యామరుచిభిః |*
*నదశ్శోణో గంగా తపనతనయేతి ధ్రువ మయం*
*త్రయాణాం తీర్థానా ముపనయసి సంభేద మనఘమ్ ‖*
పవిత్రీకర్తుం నః = అమ్మా, నీ చల్లని చూపులు మమ్ములను పవిత్రం చేయుగాక!
పశుపతి పరాధీన హృదయే = పశుపతికి
(పాశములతో బంధింపబడ్డ మానవులు పశువులు, శివుడు పశుపతి.ఈ పశువులకు అధిపతి, పాశములను తొలగించువాడు) పరాధీనమైన హృదయము కల తల్లీ
దయా మిత్రై ర్నేత్రై = దయతో కూడియుండే నీ చూపులు
అరుణ ధవళ శ్యామ రుచిభిః = ఎరుపు, తెలుపు, నలుపు రంగులతో కూడినవి.
క్రిందటి శ్లోకంలో చెప్పుకున్నాము. ఈ వర్ణాలు త్రిగుణములకు, వాటిని కలిగి సృష్టి స్థితి లయములు చేసే త్రిమూర్తులను నియంత్రించే అమ్మవారి కన్నుల వర్ణములకు సంకేతములని.
నదశ్శోణో గంగా తపనతనయేత్ ధ్రువ మయం = పవిత్రమైన శోణ, గంగ, యమునా (సూర్యుని కుమార్తె యమున, కుమారుడు యముడు) నదుల ప్రవాహాలు మా తాపాన్నీ, దాహాన్నీ, తాపత్రయాలనూ పోగొట్టి మమ్ములను పునీతులను చేయునట్లుగా వున్నాయి. ఈ మూడు నదుల సంగమం యొక్క మహిమను నీ చూపుల ద్వారా పొందుతున్నామని భావం.
ఇతః పూర్వం చెప్పుకున్నాము జంబుకేశ్వర క్షేత్రంలో అఖిలాండేశ్వరి అమ్మవారి నేత్ర దృష్టి తీవ్రముగా వుండటము, ఆ తీవ్రతను ఆదిశంకరులు మంత్ర యుక్తముగా ఉపసంహరించి, శ్రీచక్ర యంత్రములుగా ఆమె తాటంకములలో నిక్షిప్తము చేయటము. ఆమె చూపులు ఉగ్రముగా వున్నా, పుత్ర వాత్సల్యంతో చల్లబడుతాయని ఆమె విగ్రహానికి ఎదురుగా విఘ్నేశ్వరుని విగ్రహ ప్రతిష్ఠాపన చేయటము చెప్పుకున్నాము.
శోణా నదిలో (బీహారులో) ఎర్రని గణపతి శిలలు దొరుకుతాయి, పంచాయతనములో పూజించటానికి.
మిగతా నాలుగు ఇవీ
నర్మదా నదిలో శివ లింగాలు
గండకీ నదిలో విష్ణు సాలగ్రామాలు
సువర్ణముఖిలో అంబికా రూపాలు
గుజరాత్ లో లభించే స్ఫటికాలలో సూర్యరూపములు.
🙏🏻 *శ్రీమాత్రే నమః*🙏🏻
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🌺🌹🌺🌹🌺🌹🌺🌹🌺🌹
కామెంట్‌లు లేవు:
కామెంట్‌ను పోస్ట్ చేయండి