శ్రీ వివేకానందస్వామి🚩* . *🚩జీవిత గాథ🚩* *భాగం 64*

 🍁🍁🍁🍁🍁🍁🍁🍁🍁🍁

.    *🌹చారిత్రాత్మక కథాస్రవంతి🌹*

.   *ఓం నమో భగవతే రామకృష్ణాయ*

.       *🚩శ్రీ వివేకానందస్వామి🚩*

.                *🚩జీవిత గాథ🚩*   

*భాగం 64*

🍁🍁🍁🍁🍁🍁🍁🍁🍁🍁

*విధి ఇలా ఉన్నప్పుడు ఎవరిని ఎందుకోసం నిందించాలి?*

అవినీతి మార్గాలు చూపిన వారితో కూడా  సన్న్యాస జీవిత మహత్వాన్ని గురించి నరేంద్రుడు చెప్పేవాడు. అయినప్పటికీ వారు మాత్రం మళ్లీ అతణ్ణి లౌకిక విషయాల వైపు లాగడానికే ప్రయత్నించేవారు. "జీవితంలో ఎలాంటి నిర్ణయానికి రాకుండా ఎందుకు ఇలా ఉన్నావు? ధనం సంపాదించే ప్రయత్నంలో తీవ్రంగా మునిగిపో. అప్పుడే కదా సుఖమయ జీవితం గడపగలవు!' అంటూ ఉపదేశించేవారు. 

అందుకు నరేంద్రుడు, “నాకూ అలాంటి ఆలోచనలు రాకపోలేదు. కీర్తి ప్రతిష్ఠలు, పదవీ ఐశ్వర్యమూ, అంతస్తులతో కూడిన జీవితం గడపాలనే ఆలోచన నాలో తరచు కలగడం కద్దు. కాని, బాగా లోతుగా ఆలోచించినప్పుడు, ఈ ధ్యేయం అర్థరహితమని తోచేది. 

మరణం అనేదొకటి ఈ లోకంలో ఉన్నదే! దాని కబంధ హస్తాల నుండి ఎవరైనా తప్పించుకోగలరా? సన్న్యాసులు మరణపు పిడికిలి నుండి తప్పించుకోవడానికి ప్రయత్నిస్తున్నారు. సత్యమైన, శాశ్వతంగా మార్పులేని వస్తువును అన్వేషిస్తున్నారు. కనుక సన్న్యాస జీవితమే సర్వోత్కృష్టమైనదిగా "నేను భావిస్తున్నాను" అన్నాడు. అయినప్పటికీ మిత్రులు వదలిపెట్టలేదు. 

వారిలో ఒకడు, "దక్షిణేశ్వరంలోని వృద్ధుడే నరేంద్రుణ్ణి పాడుచేస్తున్నాడు. ఇతడి 

భవిష్యత్తును నాశనం చేస్తున్నాడు" అన్నాడు. తరువాత నరేంద్రుణ్ణి చూసి, “నరేన్! నీకు సొంత బుద్ధి అనేది ఉంటే, ఆయన వద్దకు వెళ్లడం మానుకో. లేకపోతే నీ చదువు, భవిష్యత్తు నాశనమయిపోతాయి. నువ్వు ప్రతిభావంతుడివి; జీవితం వైపు మనస్సును మరలిస్తే నువ్వు సాధించలేనిది ఏదీ ఉండదు. కనుక దక్షిణేశ్వరానికి  స్వస్తి చెప్పు" అని సలహా ఇచ్చాడు. 

"ఇలా చూడండి! ఆయన గురించి మీకు ఏమీ తెలియదు; నాకు పెద్దగా ఏమీ అర్థం కాలేదు; కాని, నేను ఆ వృద్ధుణ్ణి. శ్రీరామకృష్ణులను అమితంగా అభిమానిస్తున్నాను" అని గద్గద స్వరంతో చెప్పాడు నరేంద్రుడు.🙏

*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*

🍁🍁🍁🍁🍁🍁🍁🍁🍁🍁

👉 *రేపటి తరానికి బతుకు, భద్రత లతోపాటు భారతీయత కూడా నేర్పండి.*

🌺🌹🌺🌹🌺🌹🌺🌹🌺🌹