నవరాత్రి అలంకార

 ద్విపద 

 

( విజయవాడ శ్రీ కనకదుర్గమ్మ నవరాత్రి అలంకార రూపములను ప్రస్తుతిస్తూ )🙏

కీర్తన :-  // కరుణాంబు రాశి శ్రీ కనకదుర్గమ్మ //🌹

*కరుణాంబు రాశి శ్రీ కనకదుర్గమ్మ*

*ధరనందరినిఁ బ్రోవ దయచేయవమ్మ !*

*// కరుణాంబు రాశి శ్రీ కనకదుర్గమ్మ //*

*మేలిమి బంగారు మిరుమిట్లు గురియ*

*బాలవై యలరించు ఫాలలోచనిగ !*

*పంచవదనమాకు బరమంబు దెల్పు*

*మంచియ గట్టితి మన్నపూర్ణవని !!*

*// కరుణాంబు రాశి శ్రీ కనకదుర్గమ్మ //*

*శ్రీలలితాంబవై శ్రీసరస్వతిగ ,* 

*యేలుకో మహలక్ష్మి యిందిరా రమణి*

*దుర్గతులను బాపు దుర్గవై నిలిచి*

*మార్గదర్శివినీవె మహిషమర్దినివి*

 

*// కరుణాంబు రాశి శ్రీ కనకదుర్గమ్మ //*

*నవదుర్గ పాహిమాం నవనీత హృదయ*

*జవమునింపవె భువిజనకోటికెల్ల*

*రాజరాజేశ్వరి రాజిల్లవమ్మ*

*నీ జాలి జూపుమా నీరాజనములు !!*

*// కరుణాంబు రాశి శ్రీ కనకదుర్గమ్మ //*

🌹🙏🌹

✍️ *--వేణుగోపాల్ యెల్లేపెద్ది*