సర్వలక్షణ లక్షణ్య:

 👆శ్లోకం

అతులశ్శరభో భీమః                          

సమయజ్ఞో హవిర్హరిః|.                   

సర్వలక్షణ లక్షణ్యో 

లక్ష్మీవాన్ సమితింజయః||

ప్రతిపదార్థ:

అతుల: - సాటిలేనివాడు.

శరభ: - శరీరములందు ప్రత్యగాత్మగా ప్రకాశించువాడు.

భీమ: - భీకరమైన శక్తి సంపన్నుడు.

సమయజ్ఞ: - సర్వులను సమభావముతో దర్శించుటయే తన పూజగా భావించువాడు.

హవిర్హరి: - యజ్ఞములలో హవిర్భాగమును గ్రహించువాడు.

సర్వలక్షణ లక్షణ్య: - సర్వప్రమాణములచే సిద్ధించు జ్ఞానముచేత నిర్ణయింపబడినవాడు.

లక్ష్మీవాన్ - సదా లక్ష్మీదేవి తన వక్షస్థలమందు కలిగినవాడు.

సమితింజయ: - యుద్ధమున జయించినవాడు.