*శ్రీ గణనాథోద్భవము

 *శ్రీ గణనాథోద్భవము!* మూలం: శ్రీ శివ మహాపురాణం!

                               ☘️🌷🙏🌷☘️

14.

 పరమేశ్వరుని గూర్చి బాలుడే మెరుగును, 

                     కనుక నాపసివాడు జనకునరసి 

ఆదిదేవా తల్లి యాన లేకున్నచో, 

                   నేను బంపగ రాదు లోనికనుచు                        స్నానమాడగ తల్లి సన్నద్ధు రాలయ్యె, 

                 నెచ్చోట కేగంగ నెంచి నావు, 

తొలగిపొమ్ము వలదు దోరభూమిని వీడి 

                యనుచు నడ్డు నిలువ నలిగి శివుడు!

తే.గీ.

ఎవరి ననుకొంటి వీవు నన్నెరుగలేక, 

నడ్డగించితి వీరీతి ననుచు,.భవ్య 

కీశుడను ద్రుంతునిన్నిదే యేన నంగ! 

శివగణంబులు బాలకు చెంతజేరె!!

భావము: వచ్చినవాడు పరమేశ్వరుడని ఆబాలునకెట్లు

తెలియును.అందుచే తండ్రిని జూచి కూడా ఆదిదేవా!నాతల్లి యనుజ్ఞ లేకుండా నిన్ను లోనికి పంప కూడదు, స్నానము చేయుటకు అమ్మ సిద్ధమైనది. నీవెచ్చటకు వెళ్ళదలచితివి. ఈ ద్వారా ప్రదేశమునుండి వెడలి పొమ్ము అని అడ్డునిలువగా కోపించి శివుడు నేనెవరినో తెలియక ఈవిధముగా అడ్డగించిన నిన్ను సంహరించెదనని పలుకగా శివగణములా బాలుని వద్దకు చేరెను.