🌸శ్రీ రామ స్తుతి 🙏
సీ. సాకేత రామయ్య! స్వామివి నీవయ్య !
మముకావ రావయ్య మౌనమేల
తాటకమర్ధనా ! తాపస పూజితా !
పరమాత్మ ! శ్రీరామ ! పాహి పాహి !
ఆశ్రితజనపోష ! యఖిలేశ ! రఘువీర !
సత్యపరాక్రమా ! శరణు శరణు !
వైకుంఠపురి వాస ! వైజయంతీధరా !
మైథిలీప్రాణేశ ! మహిత తేజ !
తే.ధర్మ సంస్థాపనము సేయ ధరను నున్న
ఆదినారాయణా ! నీకు ననవరతము
నతుల నర్పింతు నతులిత భక్తి తోడ,
రమ్యగుణగణశోభితా రామచంద్ర !
జయలక్ష్మి
కామెంట్‌లు లేవు:
కామెంట్‌ను పోస్ట్ చేయండి