సంబంధం

 సంబంధం 

ప్రతి మనిషికి ఇంకొక మనిషితో ఏదో ఒక సంబంధం ఉంటుంది. కానీ కొన్ని సంబంధాలను మనం గుర్తిస్తాము కొన్ని గుర్తించం. తల్లిదండ్రుల సంబంధం ప్రతి మనిషికి ఉండే మొదటి సంబంధం ఇది మా అమ్మ మా నాయనగారు అని ఏర్పడ్డ సంబంధం ఈ సంబంధాలు రక్త సంబంధాలుగా పేర్కొంటారు ఎందుకంటె తల్లిదండ్రుల్లో ప్రవహించే రక్తమే పిల్లల్లాలో కూడా ఉంటుందని భావన తరువాత రక్తసంబందాలు తోబుట్టువులు. మిగిలిన వారిని చుట్టరిక సంబంధాలుగా తెలుసుకోవచ్చు. ఒక్క విషయాన్ని మనం చుస్తే ఇక్కడ మనకు వున్న బంధుత్వాలు అన్నీకూడా వివాహ సంబంధాలే యెట్లా అంటే తల్లి దండ్రులు వివాహం చేసుకోవటం వలన పిల్లలు కలిగారు అలాగే వేరే ఎవరితో ఏర్పరచుకున్న బంధుత్వం కూడా ఎవరో ఒకరితో ఏర్పడిన వివాహసంబంధం మాత్రమే కానీ మరొకటికాదు. 

మనిషి తాను వివాహంతో ఏర్పరచుకున్న లేక ఏర్పడ్డ సంబంధాలే శాశ్వితం అని వాటివెంటే ప్రాకులాడుతూ ఉంటాడు. నీకు నీ భార్యకు మీ వివాహం వలన సంబంధం ఏర్పడింది కాబాట్టి ఆమె నీ ఇంట్లో పూర్తి హక్కులతో ఉంటుంది. నీ ఇంటికి నీ పొరుగింటి ఆమె వస్తేకొద్దిసేపు ఉండి తాను వచ్చిన పని చూసుకొని వెళుతుంది. కానీ ఆమెకు నీ ఇంటిమీద కానీ నీ మీద కానీ ఎలాంటి హక్కు ఉండదు. కాకుండా ఆమె నీ ఇంట్లో స్వేచ్ఛగా తిరిగి నీతోకూడ స్వేచ్ఛగా మాట్లాడి ఉంటే వెంటనే నీకు ఆమెకు సంబంధం కలుపుతుంది ఈ సమాజం. దానిని వక్రంగా చూస్తుంది. ఏతావాతా తేలేది ఏమిటంటే మన సమాజం పూర్తిగా వివాహవ్యవస్త మీదనే ఆధార పడివుంది. 

సమాజంలో వివాహంతో ఏర్పడిన సంబంధాలు కాకుండా ఇతరత్రా వున్న సంబంధాలు మనం అంతబలమైనవిగా చూడము. ఉదాహరణకు స్నేహ సంబంధం, యజమాని సేవకుని సంబంధం, ఇరుగుపొరుగు వాళ్ళతో వుండే సంబంధం. నీవు రైలులోనో బస్సులోనో ప్రయాణిస్తున్నావనుకో నీ తోటి ప్రయాణికునికి నీకు వున్న సంబంధం. ఇలాంటి అనేక సంబంధాలు మనకు రోజు తారసపడుతుంట్టాయి. కానీ దేనిని మనం అంతగా ప్రముఖంగా తీసుకోము. 

మానవుడు సంఘజీవి అయినప్పటికీ కేవలం తానుతన భార్యా పిల్లలు అనేవరకు మాత్రమే స్వార్ధంగా జీవనాన్ని గడుపుతూ ఆ సంబందాలనే శాశ్వితం అనుకోని జీవిస్తుంటాడు. 

నిజానికి ఒక ముముక్షువు అయిన సాధకుడు ఈ శరీరంతో వున్న సంబంధాలు అన్ని ఈ శరీరం వున్నంతవరకు మాత్రమే ఉంటాయి కానీ యదార్ధమైనది కేవలం భగవంతునితో వున్న సంబంధం మాత్రమే. కాబట్టి ఆ సత్యాన్ని తెలుసుకొని సాధకుడు నిత్యం భగవంతునితో మాత్రమే సంబంధం పెట్టుకుంటాడు. ఇది భార్గవ శర్మ చెప్పేది కాదు అనాదిగా మన మహర్షులు అనేక వేలయేళ్లు తపస్సు చేసి తెలుసుకున్న సత్యం.  

కాబట్టి సాధక ఇంక నిద్రనుండి లేచి సాధనకు ఉపక్రమించి మోక్షాన్ని సిద్దించుకో 

ఓం తత్సత్ 

ఓం శాంతి శాంతి శాంతిః 

మీ భార్గవ శర్మ