మంచిపనుల యందు

 *2050*

*కం*

ఇతరులొనరు సుకృతంబుల

నతిగా దోషములనెంచు నలతుల కన్నన్

మితముగనైనను సాయము

మతిభక్తితొ జేయువారె మాన్యులు సుజనా.

*భావం*:-- ఓ సుజనా! ఇతరులు చేసే మంచిపనుల యందు అతిగా తప్పులను ఎంచిచూపే అల్పులకన్నా ఎంతో కొంత అయినా సహకారం మనస్పూర్తిగా చేసేవారే గొప్పవారు.

*సందేశం*:-- ఒకమంచిపని ఇతరులు చేసేటప్పుడు అందులో ని తప్పు లు కనబడటం చాలా సహజం, కానీ ఆ తప్పులను ఎంచిచూపడంకన్నా తనవంతు సహాయం చేసే వాడే గొప్పవాడు కాగలడు.

*** *కొంపెల్ల శ్రీనివాస శర్మ*