*2029*
*కం*
ప్రతి వస్తువు తోడ భువిని
హితములు నహితములునుండు హెచ్చుగ నెపుడున్.
అతిగా నుపయోగించగ
ప్రతిగా దుష్ఫలములుండు పదపడి సుజనా.
*భావం*:-- ఓ సుజనా! ప్రతీ వస్తువు తోనూ భూలోకంలో ఉపయోగాలు,నిరుపయోగాలూ/ప్రమాదాలు కూడా గొప్పగా నే ఉంటాయి. అతి గా ఉపయోగిస్తే దానికి ప్రతిగా దుష్ఫలితాలు ఉండగలవు.
*సందేశం*:-- నిరుపయోగమైన వస్తువులు నూ ఉండవు,ఉపయోగించే వస్తువులతో ఎల్లప్పుడూ ఉపయోగాలే ఉండవు. అతి గా ఉపయోగించడానికి ప్రయత్నాలు చేస్తే అది ఉపయుక్తమైన వస్తువే అయినా దాని వలన ప్రమాదాలు కూడా ఉండవచ్చు.
*** *కొంపెల్ల శ్రీనివాస శర్మ*
కామెంట్‌లు లేవు:
కామెంట్‌ను పోస్ట్ చేయండి