చాణక్య నీతి

 చాణక్య నీతి 

               ఒకటవ అధ్యాయము 

శ్రీకరుండైనట్టి శ్రీమహావిష్ణు

త్రైలోక్యనాథుడై తరియింప జేయ :

ఆట్టి లోకేశుని నతిభక్తి తోడ 

తలవంచి ప్రణమిల్లి తశ్శక్తి తోడ 

బహుశాస్త్ర ధృతమై భాసిల్లు నట్టి

రమణీయ మైనట్టి రాజనీతులను 

విబుధుల కొఱకునై వివరించ నుంటి               

మూర్ఖశిష్యులకును ముదము జెప్పుటయు 

ఆశ్లీలవనితను నాదరించుటయు 

ఆదృష్టలేమిచే నలమటించేటి 

మనుజులచెంతను మసలుటయున్ను 

పండితు , బాధలో పడవేయు నెపుడు.           

దుష్ట తత్వంబుతో దూషించు భార్య 

కుట్ర తత్వంబుతో కూడు మిత్రుండు 

అవిధేయ తత్వంబు నలరు భృత్యుండు 

కన్నుల ముందుగా కదలు సర్పంబు ,

యుండెడి గృహములో నుండిన యెడల 

మరణమే శరణంబు మనిషికి యెపుడు