పవిత్ర స్నానాలు చేసేటప్పుడు

 నదుల్లో, సముద్రాల్లో పవిత్ర స్నానాలు చేసేటప్పుడు ఎలాంటి నియమాలు పాటించాలి?

జ: నిద్రించిన వస్త్రాలతో నదిలో మునుగరాదు. ముందు నదీదేవతను, క్షేత్రదేవతలను స్మరించి, సంకల్పం చెప్పుకొని స్నానం చేయాలి. పుణ్యనదులలో పాపపరిహారార్థం చేసే పవిత్ర స్నానాలలో కచ్చితంగా నియమాలు పాటించాలి. నదిలో వస్త్రాలు పిండరాదు. సర్ఫ్ లాంటివి ఉపయోగించరాదు. ఉతకరాదు. అభ్యంగన స్నానాలు చేయరాదు. (తలంటుకొనడం వంటివి కూడదు. ఇంక- షాంపూలు, కుంకుడులు వంటివి కూడదని ప్రత్యేకంగా చెప్పనవసరం లేదు.) పొరపాటున కూడా నదిలోగానీ, నదీతీరాల్లోగానీ మలమూత్ర విసర్జనలు చేయరాదు. చేస్తే మహాపాపం. ఉమ్మరాదు. నీళ్ళను పుక్కిలించి ఉమ్మడం కూడా దోషమే. అవాచ్యాలు, కసురుకోవడాలు వంటివి కూడా చేయరాదు. సముద్రాన్ని కేవలం పర్వసమయాల్లోనే తాకాలి. స్నానం చేయాలి. మాములు సమయాల్లో తాకడం కూడా కూడదు. నదులనీ, సముద్రాలనీ దేవతా స్వరూపాలుగా భావించి తగిన మర్యాదలతో ప్రవర్తించాలి. స్నానసమయంలో సంకల్పాదులు చెప్పుకో