*ఆ పూలజడ అద్వీతీయము కాక ఏమిటి ?

 *ఆ పూలజడ అద్వీతీయము కాక ఏమిటి ?*

🌹🙏🌹🙏🌹

*సుమముల !  సకలసురలు  దిగి*

*యమరిరి ఘనకేశపాశ మందె త్వరితముగా !*

*సమయము మీరిగ నీయక* 

*జమళి సిరియుభువియాయె జడగంటలుగా !!*

🌹🙏🌹🙏🌹

✍️ *-- వేణుగోపాల్ యెల్లేపెద్ది* 

🌺☘️🌺☘️🌺

అమ్మ రథము అలా ముందుకు సాగుతూ వెళుతుంటే   పరవశాన అలాగే ఉండిపోయాను .🙏

అయ్యో ముందుకు నేను కూడా ఎందుకు వెళ్లలేదు అని బాధపడుతున్న తరుణములో , 

అమ్మ అందమైన పూలజడ దర్శన భాగ్యము కల్పించి నది .🙏

ఇందుకేనేమో అమ్మ ముందుగా వెళ్లిపోయింది .

ఆ పూలజడను ఏమని వర్ణించగలము ! 🙏

ఆ జడకు ఉన్నవి పువ్వులా ?  కానే కాదు సకలదేవతలు , త్వరత్వరపడి , దివినుంచీ క్రిందకు దిగివచ్చి అమరిపోయారు , పువ్వులుగా ఆ పూలజడలో . 🙏

సమయము మించిపోతే తమకు అదృష్టము దక్కునో లేదో అని , భూదేవీ శ్రీదేవి కాస్త తమ సింగారములను ఆపి ఉదుటన , వచ్చి ఆ జడను మిక్కిలి ప్రకాశవంతము చేసారు జడగంటలుగా ఒదిగి ! 🙏

అట్టి దివ్యాలంకారముతో ప్రకాశించే మా *కామాక్షీ అమ్మకు* సదా మంగళములు పాడెదను !🙏