గురుపౌర్ణమి

 గురుపౌర్ణమి శుభాకాంక్షలు

*********************

పద్యరచన: సహజకవి, డా. అయినాల మల్లేశ్వరరావు, తెనాలి,9347537635. గానం: శ్రీ భాగి కృష్ణమూర్తి, చీరాల 

సీసం:

వ్యాసమహాముని ప్రభవమైన దినము 

     గురువులన్ పూజించు పరమదినము 

సూర్యోదయము వేళ శుచి యుపవాసము 

     నారంభమొనరించు నవ్యదినము 

చంద్రోదయము వేళ చంద్రుని వీక్షించి 

     యుపవాసమును వీడు సుఫల దినము 

శ్రద్ధగా బుద్ధిగా పెద్దలన్ పూజించి 

     యాశీస్సులన్ పొందునట్టి దినము 

తేటగీతి: 

శుభము లెన్నియొ ఆషాఢ శుద్ధ పౌర్ణ

మిచ్చు గావుత! యెల్లర కిచ్చు గాక!

పూజలొనరించు వారెల్ల పుణ్యములను

వ్యాసపూర్ణిమ దినమున బడయుగాక!

 అభ్యుదయముగోరి కురిసెనగ్నిధార 

రుద్రవీణ మీటి జనుల నిద్రలేపె

ఆశయాలోచనాలోచనంబులనిడి

దాశరథిరాక్షసులపైన దాడిజేసె