*ప్రియ బాంధవా మేలుకో 13*
సభ్యులకు నమస్కారములు.
దేశ మరియు సామాజిక భద్రత, సుఖ, శాంతియుత జీవనానికి హానికారక అంశాల మరియు కృత్యాల నిరోధక శాఖలు లేదా విభాగాల పరిశీలనలో పోలీసు శాఖ బాధ్యతలను గత వ్యాసంలో తెలుసుకున్నాము.
తదుపరి శాఖ ..
*ఆవినీతి నిరోధక శాఖ* :-
1988 సంవత్సరంలో పార్లీమెంటులో ఆమోదింపబడినది.
ముఖ్య అంశములు.
1) చట్ట విరుద్ధమైన మార్గాల ద్వారా *ప్రజలు* ప్రభుత్వ ఉద్యోగులను *ప్రభావితం చేయరాదు*.
2) తమ విధులలో
*ప్రభుత్వ ఉద్యోగుల*
నేర పూరిత, ప్రేరిత *దుష్ప్రవర్తనలను*
చట్టం అరికట్టాలి.
ఇందుకుగాను అవినీతి నిరోధక ప్రభుత్వ శాఖలు/విభాగాలు ఏర్పడినవి. ఈ సంస్థలు *అవినీతిని ప్రోత్సహించే ప్రజలను* మరియు *అవినీతికి పాల్పడే ఉద్యోగులపై* వచ్చిన ఆరోపణలకు సంబంధించిన విచారణలు చేపట్టి, తదనంతరం న్యాయ పరిమితులకు లోబడి శిక్షలు అమలు చేస్తున్నవి.
సభ్య సమాజ స్థాయిలో ఆలోచిస్తే....
1) ముందుగా ప్రజలు నైతికత అలవర్చుకోవాలి.
2) తమ స్వార్థ ప్రయోజనాల కొరకు ప్రభుత్వ గాని ఇతర సంస్థలు ఉద్యోగస్తులకు ఆకర్షణలు చూపరాదు. సాధారణంగా లంచం రూపంగా ధనం, వస్తువులు, మద్యం మరియు సభ్య సమాజం ఆమోదించని ఇతర ఆకర్షణలు ఉంటూ ఉంటాయి. ప్రజలు గమనించాల్సిన ముఖ్య విషయం *లంచం తీసుకోవడం మాత్రమే నేరం కాదు, ఇవ్వడం అంతకంటే పెద్ద నేరం*. నిజాయితీగా ఉన్న *ఉద్యోగస్తులను తప్పు త్రోవ పట్టించే ప్రజలే అసలైన నేరస్థులు*. ముందు వీరే శిక్షార్హులు.
1) లంచం ఇవ్వజూపే ప్రజలకు శిక్షలు.
*అవినీతి నిరోధక చట్టం సెక్షన్ 7, 9 మరియు 10* ప్రకారం 3 సంవత్సరాల నుండి 7 సంవత్సరాల జైలు మరియు తీవ్రతను బట్టి జరిమానా కూడా. కానీ నేటి వరకు ప్రభుత్వ ఉద్యోగులు ఫలానా వారు నాకు లంచం ఇవ్వాలని ప్రయత్నిస్తున్నాడని ఒక్క కేసు కూడా నమోదు కాలేదు..,.అంటే ప్రజలు నీతిమంతులుగా ఉన్నారని భావించాలా...లేక ఉద్యోగుల ఉదాసీనతా?
2) లంచం అంగీకరించిన ఉద్యోగులకు *సెక్షన్ 12, 13 మరియు 14* ప్రకారం Suspension, జైలు, జరిమానా మరియు ఉద్యోగాల నుండి తొలగింపు.
ఈ శిక్షలు మన దేశంలో చట్టాలు ఏర్పడినప్పటి నుండి అమలులో ఉన్నవి. అవుతే, *లంచగొండితనం ప్రస్తుతం సమాజంలో లేదు* ఎప్పుడో *రూపుమాసినది అని ఎవరైనా చెప్పగలరా*. సామాన్యుడు కూడా ఈ లంచగొండితనం *ఇంకా ఇంకా ప్రబలుతూనే ఉన్నది అని తెలియజేస్తాడు.*
సమాజంలో ఉన్న అనేక దుష్కృత్యాల నివారణకు ప్రజల ప్రమేయమెందుకు పాలకులు ఉన్నారు కదా అను పరిస్థితి లేదు.
ప్రాంతమేదైనా, దేశమేదైనా ప్రజల జాగృతి, చైతన్యము మాత్రమే సమాజానికి శ్రీ రామ రక్ష. *సమాజ సంఘటిత తత్వమే దుష్టులకు సింహస్వప్నము*
ధన్యవాదములు
*(సశేషం)*
కామెంట్‌లు లేవు:
కామెంట్‌ను పోస్ట్ చేయండి