మతమను పేరు జెప్పుచు

 చ.మతమను పేరు జెప్పుచు నమానుషమైన విరోధ భావ సం

శ్రితమగు నీచ కృత్యములు సేయుచు మానవ జాతికిన్ మహో

ధ్ధృతముగ హానిఁ జేసెడు విధిం గన చిత్తము ఖేదమొందు నీ

గతులను సృష్టి సేయు పలు గాకులఁ గూల్చగ రాదొ! భారతీ!౹౹85

చ.స్తుతమతులైన విజ్ఞులు యశోగతి నందగ గూర్చినార లీ

మతమును మానవాళికి సమంచిత రీతిని నొక్క త్రాటిపై 

హితము నొసంగ జేయు మతి నింపును గూర్చు పథమ్ము గాగ స  

మ్మతమును దెల్పు భావ పరిమాణమె యిద్ది గణింప భారతీ!౹౹ 86