అజేయుడు అడవిని దాటుతూ విశ్రాంతి కోసమని ఒక చెట్టుకింద కూర్చున్నాడు. ఇంతలొ దభీమని చప్పుడైంది. చూస్తే ఎదురుగా కోరలతొ భీకరాకారంలో ఓ రాక్షసుడు ఉన్నాడు.
అజేయుడు ఒక్క క్షణం భయపడ్డాడు. అయినా మెల్లగా ధైర్యం తెచ్చుకున్నాడు. "చాలా ఆకలిగా ఉందిరా! నిన్ను తినేస్తా" అన్నాడు రాక్షసుడు.
"ఎలాగూ నన్ను తినేస్తావు. కాబట్టి ముందు నా కోరికొకటి తీర్చు" అన్నాడు అజేయుడు. ఏంటది! అన్నాడు రాక్షసుడు. .
"మా అవ్వ రాక్షసులకి ఎలా కావాలంటే అలా మారే విద్య తెలుసంటుంది. నేనేమో! అదంతా అబద్ధమంటాను. నువ్వు రాక్షసుడివే కదా నిజంగా నీకావిద్య తెలిస్తే నా అరచేతిలో దోమగా మారు వాలు. తర్వాత హాయిగా నీకు ఆహారమైపోతాను" అన్నాడు అజేయుడు.
పకపకా నవ్వుతూ ఓరోరి! ఇంత చిన్న కోరికా కోరేది. నాకన్ని విద్యలూ తెలుసు. కావాలంటే చూడు దోమగా మారి నీ అరచేతిలో వాలతా" అని ఏదో తలుచుకుని దోమగా మారాడు రాక్షసుడు.
అంతే! వెంటనే అజేయుడు రెండో అరచేతితో గట్టిగా కొట్టి దోమను నలిపేశాడు. దాంతో దోమ రూపంలోని రాక్షసుడు గట్టిగా ఏడుస్తూ చనిపోయాడు.
ఇక్కడ గమనించాల్సిన విషయం ఏమిటంటే.. భయంకరమైన రాక్షసుడు మన కష్టాలు, బాధలు..
తెలివితో, ధైర్యం తో దోమను నలిపినట్టు చేస్తే అంతా మంచే జరుగుతుంది...
దేనికైనా ఓర్పు, సహనం, ఆలోచన ఉండాలి.. అవి ఉంటే అంతా విజయమే.
సర్వే జనా సుఖినోభవంతు..
ధర్మో రక్షతి రక్షితః
కామెంట్‌లు లేవు:
కామెంట్‌ను పోస్ట్ చేయండి