భక్తిసుధ

 🕉️  *_-|¦¦||¦¦|-_* 🕉️

              _*భక్తిసుధ*_

𝕝𝕝శ్లోకం𝕝𝕝 

*సమస్త లోక శంకరం నిరస్త దైత్య కుంజరం*

*దరేదరోదరం వరం వరే భవక్త్ర మక్షరం*

*కృపాకరం క్షమాకరం ముదాకరం యశస్కరం*

*మనస్కరం నమస్కృతాం నమస్కరోమి భాస్వరం*

                                 ~గణేశ పంచరత్నమ్- 3

𝕝𝕝తా𝕝𝕝

సమస్త లోకాలకు శుభం కలిగించే వానికి, లోకాన్ని గజాసురుని బారినుండి కాపాడిన వానికి, పెద్ద ఉదరముతో, గజముఖముతో జనులను ఆశీర్వదించే వానికి, కరుణను కురిపించే వానికి, తప్పులను క్షమించి, శుభము, యశస్సు కలిగించే వానికి, తనకు నమస్కరించే వానికి సర్వ శుభాలు కలుగ జేసే విఘ్నరాజునికి నా నమస్కారములు.

------------------------------------------------

𝕝𝕝శ్లోకం𝕝𝕝 

*అకించనార్తి మార్జనం చిరంతనోక్తి భాజనం*

*పురారి పూర్వ నందనం సురారి గర్వ చర్వణం*

*ప్రపంచ నాశ భీషణం ధనంజయాది భూషణం*

*కపోల దాన వారణం భజే పురాణ వారణం*

                               ~గణేశ పంచరత్నమ్- 4

𝕝𝕝తా𝕝𝕝

కోరికలను తీర్చి, బాధలను నశింప  జేసే వానికి, అనాదిగా పూజింపబడిన వానికి, ప్రళయ కారకుడైన శివుని పెద్ద కుమారునికి, అసురుల గర్వాన్ని అణచే వానికి, ప్రళయ కాలంలో భీషణంగా ఉండే వానికి, సర్పము ఆభరణంగా ఉన్నవానికి, మద గజము వలె ఉత్సాహముగా ఉన్నవానికి, పురాతనమైన వానికి నా నమస్సులు.