సభలపాల్గొని సరసంబుగాభాషించి

 కలిదిండి వెంకటరామరాజుగారు

-----------  ---------------------------

(2)

సభలపాల్గొని సరసంబుగాభాషించి

          జేజేల నందెడు తేజసుండు,

విద్వాంసులున్ మెచ్చవిజయవిలాసాను--

          శీలనంబునుసేయు శీలయుతుడు ,

ఉద్యోగబాధ్యతనొజ్జబంతిగ తోటి

           వారెంచ నడయాడు పథికవరుడు ,

రుద్రసంఖ్యనుగల్గు రుచిర శోధకులకు

            పట్టాలనిచ్చు సంపన్నజనుడు ,

పెద్దపుల్లేటిసాహితీవేత్తలగుచు

వాసిగలకావ్యసంతతిన్ వరలువాడు

ప్రాచ్యసంస్కృతిప్రాభవారాధకమతి

భీమవరముగౌరవమెంచుప్రేమసుధయె.

శ్రీM.sనారాయణ( కవి చలనచిత్రనటుడు)

----------------------

నవ్వులనారాయణుడన

నివ్వసుధను ఖ్యాతిగొన్న యెమ్మెసను నటుం

డివ్వీటభీమవరమున

సవ్వడిగావించెగాదె! సద్బోధకుడై.

నోపార్కువింగు"మున్నగు

లేపనమునుబోలుకవితలే యల్లెను గా

దే!పొందికగానగరపు

లోపంబులనెత్తిచూప శ్లోకితఫణితిన్.

ఒజ్జ హాస్యచతురుడు విద్వజ్జనుండు

కవి నటుడు దర్శకుడుగాయకవరుండు

గా బహువిధపాత్రలయందుగాఢముద్ర

వైచె నారాయణాహ్వయ భవ్యమూర్తి .

M.s=మైలవరపు సూర్యనారాయణ

విద్య--భాషాప్రవీణ,పత్తేపురం ప్రాచ్యకళాశాల

వృత్తి--కె.జి.ఆర్.యల్ కళాశాల భీమవరం

ప్రవృత్తి--పౌరాణిక సాంఘికనటుడు.

కవితలు--No parkwing(తెలుగువచనకవిత)

రాయప్రోలు సీతారామశర్మ ,భీమవరం.