శ్రీకృష్ణావతారం

 ॐ    శ్రీకృష్ణావతారం - కొన్ని ముఖ్య అన్వయాలు 

    దేవకీదేవి అష్టమ గర్భంలో అవతరించాడు.

    నందగోపునివద్ద పెరిగాడు.

* వెన్నముద్దలు కాజేశాడు 

నవనీతమ్ - "నవ" అంటే "కొత్తగా", 

                    "నీతమ్" అంటే -పొందబడింది" 

    అంటే, ఈ జన్మలో మనం ప్రోగు చేసుకొనే కర్మ. 

    జన్మాంతర సంబంధమైన వాసన పాతది. 

నవనీతచోరుడు - ఈ జన్మలో మనకి కోరికలు కలగజేసే కర్మల దోషాలు (ప్రార్థనతో) హరిస్తాడని అంతరార్థం.

* కాళీయమర్దనం 

కాళీయుడు - తమో గుణం 

వ్యాపించేది మాయ.

    మాయకు మూలస్థానమైన వాసనా బీజం అయిన "కదంబ వృక్షం" నుండి దూకి తమోగుణంమీద నృత్యం చేశాడు.

    పాదాలు శిరస్సుపై పెట్టుకుంటే, ఆ పాద ముద్రలు చూస్తే, "గరుడుడు"(వేదం) ఏమీ చేయలేడు - అంటాడు. 

    అంటే వేదం కర్మలు చెబుతుంది కదా! 

     స్వామి పాదముద్రలు శిరసున ఉంచుకొని, ఆయనని ఆశ్రయిస్తే,    

     కర్మ ఫలాలతో సంబంధంలేకుండా, అనుగ్రహిస్తాడనేది సందేశం. 

* గోపికా వస్త్రాపహరణం 

గోపికలు - ఇంద్రియాలు

  - వాసనా తత్త్వం కలిగిన ఇంద్రియాలు నీటిలో మునిగియున్నాయి. 

  - గుడ్డలు విడిచినా(మాయ తొలగినా) మళ్ళీ ప్రాపంచిక మాయలో పడతాయి. 

  - మాయను కృష్ణుడు స్వాధీనపరచుకుంటే,

   "నీరు" - అంటే "అజ్ఞానం".  

    దాని నుండీ బయటకు వస్తే తప్ప వస్త్రాలు ఇవ్వను అన్నాడు.

    ఆయన చేతినుంచీ వచ్చేది "జ్ఞానం".

    లోకంలో వచ్చేది మాయ.

కృష్ణః 

 కర్షతీతి కృష్ణః

 - ఆకర్షించే స్వభావం ఉన్నవాడు. 

                      =x=x=x=

    — రామాయణం శర్మ

            భద్రాచలం