లెక్కకు మించిన సిరులను

*కం*

లెక్కకు మించిన సిరులను

లెక్కెరుగక నొందుకన్న లెక్కించుగతిన్

చక్కగ నక్కర తీర్చుకు

తక్కిన సిరి సంస్కరించ తలచుము సుజనా.

*భావం*:-- ఓ సుజనా! లెక్కపెట్టలేనన్ని సిరులను సంపాదించడం కన్నా గణనీయంగా నీ అవసరాలకు సరిపోయే సిరులను వాడుకొని తక్కిన సిరులను సంస్కరించ డానికి ( మంచిపనులకు ఉపయోగించే) యోచన చేయుము.

*** *కొంపెల్ల శ్రీనివాస శర్మ*

*కం*

ఉపయోగించెడి మనసుకు

నుపయుక్తంబగు సకలము నుర్విన నెపుడున్.

ఉపయోగము లేదనుచును

నెపమెంచక విలువలెరుగ నెగడుదు సుజనా.

*భావం*:-- ఓ సుజనా! ఉపయోగించుకునే మనసు ఉన్న వారి కి ఈ భూలోకంలో అన్నీ ఉపయోగకరమైనవే అవుతాయి. ఉపయోగం లేదు అని చెప్పుటకన్నా దాని విలువ ను తెలుసుకుంటే వర్ధిల్లెదవు.

*** *కొంపెల్ల శ్రీనివాస శర్మ*