అంత రంగ సాధన

 *అంత రంగ సాధన*

మనము ఈరోజు చేస్తున్న పూజలు, భజనలు, ఎంతవరకు మనలను భగవంతుని వద్దకు చేరుస్తాయో ఎవరికి తెలియదు,

ఎవరో ఈ దీపం పెట్టండి, ఈ వ్రతం నోమండి, ఈ జపం చేయండి, అని చెప్పగానే ఎగబడి చేస్తాము ... 

కానీ ఎవరైనా సాధన చేయండి, ఈ విధంగా జీవించడం మంచిది, ఈ విధంగా ఆలోచించండి అని చెప్పగానే, వారిపై కస్సు బస్సులు ఆడి, చిందులేస్తాము...

ఈ పూజలు, భజనలు, సాధనలో భగవంతున్నీ తెలుసుకోనేంతవరకే, అటు తరువాత ఆయనను చేరాలి అంటే ... అంతరంగ సాధన సల్పాలి...

   సముద్రము ముత్యాలాది నిధులకు నిలయం, ముత్యాలు కావాలనుకునేవారు సముద్రం లోతులకు పోవాలే తప్ప ఒడ్డున నిలబడి వెతికితే దొరుకుతాయా?! 

అదే విధముగా ఆత్మానందము కావలెనన్నా మన హృదయాంతరములోకి పోయి అందు కొలువైయున్న పరమాత్మను పట్టుకోవాలెను, 

తప్ప బాహ్యమైన, అల్పమైన పూజలతో సరిపెట్టుకోకూడదు. 

సముద్రపు ఒడ్డున నిలబడి వెతికితే దొరుకేవి కేవలం రాళ్లురప్పలే! 

అలానే బాహ్యమైన పూజల వలన కూడా రాళ్ల మాదిరి ఆనందమే కలుగుతుంది....

 రాయికి, ముత్యానికి పోలిక చెప్పలేము, అలానే సాధారణ ఆనందానికి, ఆత్మానందానికి కూడా పోలిక చెప్పలేము....

 ఆత్మానందము విలువ కట్టలేనిది, విశిష్టత కలది. ఇది మానవుని సహజ సంపద.

 కనుక ప్రతీ ఒక్కరూ బాహ్యమైన పూజలు తగ్గించుకుని అంతరంగమునందు భగవంతుని ఆరాధించుచూ ఆత్మానందము పొందుటకు సాధన చేయాలి.