తరువున వెల్గుచుండె నవి తారలు మాలిక లౌచు వింతగన్*

 *తరువున వెల్గుచుండె నవి తారలు మాలిక లౌచు వింతగన్*

ఈ సమస్యకు నా పూరణ. 

"సురవన పారిజాతమును శూరత కృష్ణుడు దొంగిలించునే

తరుణమిదే లభించె పద ద్వారకకున్ భువి నందు స్వర్గమే

కురియు వరాల జల్లు"లని కోరిక చేరెను పుష్పజాతులున్

తరువున వెల్గుచుండె నవి తారలు మాలిక లౌచు వింతగన్.

జటాయువు

సీత నెందుకు దొంగిలింతువు చేటు వచ్చు తొలంగురా

పాతకుండవు రావణా! నిను పట్టి ద్రుంతు నఖంబుతో

రావణుడు

చేతికందిన యందమే యిది చేరవేతును లంకకున్

నీతి నాకదె యడ్డగింతువె? నిన్ను చంపుదు నిప్పుడే. 

అల్వాల లక్ష్మణ మూర్తి.