అన్నియు గల లోకంబున

 *2318*

*కం*

అన్నియు గల లోకంబున

సన్నుతమతి మంచినిగని సజ్జనుడయ్యున్.

చెన్నటి వారలెయందలి

చిన్న చెడులనాలకించి చెడునిట సుజనా.

*భావం*:-- ఓ సుజనా! అన్నియునూ ఉన్న ఈ లోకంలో మంచి మనస్సు ఉన్న వారు మంచినే చూచి మంచివారిగా వెలుగుతారు. వ్యర్ధమైనవారు అందులో ఉన్న చిన్న చెడులనే ఆలకించి చెడిపోయెదరు.

*సందేశం*:-- ఈ లోకంలో అన్నీ ఉంటాయి, కానీ అది చూసేవాడి మనస్సును బట్టియే మంచి, చెడుగా గుర్తించబడుతుంది. మంచి మనస్సు ఉన్నవారి కి మంచియే పెద్దగా కనబడుతుంది, చెడ్డ మనస్సు ఉన్న వారికి చెడ్డ యే పెద్ద గా కనబడుతుంది.

*** *కొంపెల్ల శ్రీనివాస శర్మ*