జ్ఞానం ప్రధానమే కానీ

 🕉🕉🕉🕉🕉🕉🕉🕉🕉

            _*సుభాషితమ్*_

శ్లో.

*జ్ఞానం ప్రధానం న తు కర్మ హీనం*

*కర్మ ప్రధానం న తు బుద్ధి హీనమ్l*

*తస్మాదుభాభ్యాం తు భవేత్ప్రసిద్ధిః*

*న హ్యేక పక్షో విహగః ప్రయాతిll*

తా॥

*"జ్ఞానం ప్రధానమే కానీ, కర్మహీనమైన జ్ఞానం నిరుపయోగము. కర్మ ప్రధానమే కానీ, జ్ఞానం లేని కర్మ కూడా నిష్ప్రయోజనమే. జ్ఞాన, కర్మ సముచ్ఛయము వలననే మానవుడు తరిస్తున్నాడు. ఒక్క రెక్కతోనే పక్షి ఎగుర లేదు కదా!"*

*శాస్త్రస్య గురువాక్యస్య*

*సత్యబుద్ధ్యవధారణం |*

*స శ్రద్ధా కథితా సద్భిర్-*

*యయా వస్తూపలభ్యతే ।।*

                  - వివేకచూడామణి-26

భావం: ఆత్మస్వరూపం తెలిపే శాస్త్రములలో గురువాక్యములో అచంచలమైన నమ్మకమే *శ్రద్ధ*. ఇటువంటి దృఢమైన నమ్మకముంటే సత్ఫలితాలు తప్పక లభిస్తాయి. ఆత్మ లాభము కలుగుతుంది.

గురూపదేశాన్ని శ్రద్ధతో గ్రహించేవానికే జ్ఞానం లభిస్తుంది అని శ్రీకృష్ణ భగవానుడు *శ్రద్దావాన్ లభతే జ్ఞానం* అన్నాడు.

అశ్రద్ధతో ఈశ్వరద్వేషంతో తలపెట్టిన దక్షయజ్ఞం సత్ఫలితాలనివ్వకపోగా ఘోరమైన విధ్వంసంతో ముగిసింది.