*ప్రపంచ మాతృభాషాదినోత్సవం సందర్భంగా పంచపద్యరత్నాలు*
గోగులపాటి కృష్ణమోహన్
సూరారంకాలని, హైదరాబాదు.
ఆవె||
తెలుగుభాషలోని తేటతెల్లనిపదం
వ్యాకరణముతోడ వాసికెక్కి
పద్యసంపదగల పదునైన భాషయౌ
జ్యోతి నవ్య కృష్ణ జూఁడుమఖిల
ఆవె||
మరువకండి మీరు మాతృభాషనెపుడు
భావివార్కితెలుపు భాధ్యతగొని
మధురమైనభాష మన తల్లిభాసయౌ
జ్యోతి నవ్య కృష్ణ జూఁడు మఖిల
ఆవె||
అమ్మ నాన్న పలుకు లానవాలేలేదు
మాతృ భాష మీద మక్కువేది
తెలుగు మాటలాడు తెలుగు ఘనతచాటు
జ్యోతి నవ్య కృష్ణ జూఁడు మఖిల
ఆవె||
అమ్మ నాన్న యనెడి యాత్మీయ పలుకులు
పద్య సంపదగల భాష మనది
తేనెలూరుభాష తేటతెలుగుభాష
జ్యోతి నవ్య కృష్ణ జూఁడు మఖిల
కం||
తెలుగంటే నాకు భయము
తెలుగంటే వ్యాకరణము తెలుగే కష్టం
బిలలో తెలుగన ప్రేమయె
తెలుగును నే నేర్చుకొందు తెలియగ కృష్ణా
ప్రపంచ మాతృభాషాదినోత్సవ శుభాకాంక్షలతో...
మీ
*గోగులపాటి కృష్ణమోహన్*
కవి, రచయిత, జర్నలిస్టు
9700007653
కామెంట్‌లు లేవు:
కామెంట్‌ను పోస్ట్ చేయండి