దాశరధీ! కరుణాపయోనిధీ!
"రంగదరాతిభంగ,ఖగరాజతురంగ,విపత్పరంపరో/
త్తుంగతమఃపతంగ,పరితోషితరంగ,దయాంతరంగ,స /
త్సంగ,ధరాత్మజాహృదయసారసభృంగ,నిశాచరాబ్జమా /
తంగ,శుభాంగ,భద్రగిరిదాశరధీ! కరుణాపయోనిధీ!
రచన:కంచర్లగోపన్న.
(రామదాసు)
భావం:శతృసంహారీ! గరుడవాహనా! ఆపదోధ్ధారీ!రంగనాధసేవితా! కరుణాన్వితహృదయా! సత్సంగా!సీతాహృత్పద్మభృంగా!రాక్షసకులభీభత్సకరా!శుభాంగా! భద్రగిరినిలయా! దశరధకుమారా! కరుణాసాగరా! నన్నేలుముస్వామీ!
విశేషములు: తెలుగునవెలసిన శతక సముదాయమున దాశరధీ శతకము వెలలేనిది.పరమభక్తాగ్రేసరుడగు రామదాస విరచితమైనయీశతక మునందలి ప్రతిపద్యమొక అమృతబిందువు.భక్తిరస సింధువు.
స్వస్తి!🙏🌷🌷🙏🌷🌷🌷🌷🌷🌷🌷🌷💄🌷🌷🌷🌷🌷💄🌷💄💄💄
కామెంట్‌లు లేవు:
కామెంట్‌ను పోస్ట్ చేయండి