శివానందశలహారీ

 🙏శివానందశలహారీ🙏

కడుపట్టు దలతోడ కడలిని మథియించ

           సామర్థ్యమును లేదు శక్తి లేదు

అశనంబుగా నీకు నవ్విషమెట్లిత్తు  ?

           నెలవంక నెట్లిత్తు తలను దాల్చ ?

పాతాళ భేదన పాటించగా లేను

           భూషణంబుగ నెట్లు భుజగ మిత్తు ?

పోయి వేటాడంగ బోయవాడను గానె

           యిభ చర్మ మేరీతి నీయ గలను ?

ఈశ్వరా ! యింక నేనెట్టు లిచ్ఛ తోడ

పూజ లొనరించ గల్గుదు పూత మదిని

తెలియ జేయుము సర్వేశ ! తేటగాను

జరిపె దారీతి నిరతంబు చంద్రమౌళి !.       85 #

పార్వతీవల్లభా ! భవదీయ పూజకు

          శ్రీకర ద్రవ్యముల్ సిద్ధ మయ్యె

నైననున్ నీ పూజ నాచరించగ నాకు

           సాధ్యంబు కాదయ్యె సకలవినుత !

నీదు శిరస్సును నీ పాదయుగళిని

           కాన నైతిని నేను గరళకంఠ !

శీర్ష పాదంబులన్ చెలువార దర్శించ

          మఱి యంచ , ఘోణిగా మార లేను

హంస కిటియు పగిది నన్వేషణము జేసి

బ్రహ్మ విష్ణు వేమి బడసి నారు ?

తెలియరైరి నీదు తలయును పాదముల్

నరుడ నేను నిన్ను నెఱుగ గలనె !          86 #

✍️గోపాలుని మధుసూదన రావు 🙏