శ్రీమన్నారదాష్టక స్తోత్రము*

 దేవర్షి నారదమహర్షులవారి ఆవిర్భావ దినోత్సవ సందర్భంగా....

*శ్రీమన్నారదాష్టక స్తోత్రము*

१.

శ్రీనారాయణ నామయుగ్మ జప సౌభాగ్యప్రదః శాశ్వతా

నందాకందమరందబంధుర సుహృద్వ్యాజేక్షణాక్షాక్షితః |

ధన్యోపాయన మార్గవర్గ విశదో దేవర్షిభిర్వందితః

శ్రీమన్నారదమౌని జీవనవిధౌ శ్రేయాంసి భూయాంసి నః ||

२.

భక్త్యాబద్ధ విశుద్ధ సిద్ధ కరుణోద్ధారాత్మకశ్శంభుకృ

త్స్వీయోదాత్త వరప్రదాన విషయోపాంత ప్రమాదాచిరమ్ |

దుష్టోన్మత్త కుతంత్రదైత్య మరణాయోపాయ సంధాయకః

శ్రీమన్నారదమౌని జీవనవిధౌ శ్రేయాంసి భూయాంసి నః ||

३.

సత్సంపత్ప్రద మాన్యభాస విభవోద్ధామేశ హృద్రాజితా

శ్రీలక్ష్మీ పతిదర్శనోత్సుకమతీ చింతా విచారాంతకః |

దైత్యేంద్రోబలిబద్ధ రక్షక గదాధారీతి విద్యోతితః

శ్రీమన్నారదమౌని జీవనవిధౌ శ్రేయాంసి భూయాంసి నః ||

४.

ధాతాధాతవిధూతధౌత కలితాధానోన్మనః ప్రాభవః

పారంపర్య విధేర్విచార విధృతోపాంత ప్రధానాదృతః |

జన్మోపాధిక తత్త్వదర్శన విధిజ్ఞః సర్వ విజ్ఞానధీః

శ్రీమన్నారదమౌని జీవనవిధౌ శ్రేయాంసి భూయాంసి నః ||

५.

ఇంద్రోపేంద్ర మహేంద్ర జాల విదితః శోభాకరాగామి కా

లోత్పన్న ప్రణవాభిధా భగవతా లీలావతీ సన్మతీ |

సూక్ష్మజ్ఞేయ విశారద ప్రౘురగః శుద్ధాంతరంగేంగితః

శ్రీమన్నారదమౌని జీవనవిధౌ శ్రేయాంసి భూయాంసి నః ||

६

ధర్మశ్రీకర సద్విలాస సుకృతీ శ్రీరామచంద్రాకృతీ

లీలాగానవినోద మోదన విధానోద్దీపనాలంకృతీ |

వాల్మీకేర్గురు బోధనైక మహతీ వైణీయ భక్తద్యుతీ

శ్రీమన్నారదమౌని జీవనవిధౌ శ్రేయాంసి భూయాంసి నః ||

७.

శ్రీకృష్ణప్రభు గార్హ్యజీవనకలా శ్రీలాలితానంద బో

ధాభిజ్ఞ ప్రకటీ పటిష్ట భృకుటీ పాటీరఖేటీ తృటీ |

శాటీరార్క సువర్ణభూషిత నిభః సౌహృద్విదః శాంతదః

శ్రీమన్నారదమౌని జీవనవిధౌ శ్రేయాంసి భూయాంసి నః ||

८.

ఆబాలాక్షయ బోధనార్ద్ర సుధృవః ప్రహ్లాద హృత్ప్రేరితః

జ్ఞానాజ్ఞాన వివేకశీల విశదానంద స్వబుద్ధ్యాత్మకః |

శ్రీమద్భాగవతోత్తమేషు కుశలః

క్షేమంకరః శ్రీకరః

శ్రీమన్నారదమౌని జీవనవిధౌ శ్రేయాంసి భూయాంసి నః ||

బాలాకృతి ముకుందాఖ్య

శర్మణా రచితం చ యత్ |

పఠితారో భవేద్ధన్యాః

గురు దైవత శాసనాత్ ||