మోకరిల్లడం

 శుభోదయం.

జ్ఞానులైన వారిముందు మోకరిల్లి, ప్రశ్నలు అడగాలి. మోకరిల్లడం అంటే అహంకారం వంగిపోవడం. అహంకారం వంగినపుడు హృదయద్వారం తెరచుకుంటుంది. నేర్చుకోవాలి అనుకున్నవాడు స్వీకరించగలిగేవాడు అయివుండాలి, అర్ధం చేసుకోగలిగిన వాడు అయివుండాలి, అంగీకరించగలిగే వాడు అయివుండాలి. ఎవరికైతే నేను శిష్యుడిని అనే భావన ఉండదో, అతడు శిష్యుడు కాలేడు. శిష్యుడు బోర్లించిన పాత్రలా ఉండకూడదు.

మోహము అంటే ఎల్లకాలం జీవించాలి అనే బ్రతుకు మీద తీపి. ఇది ప్రధమ మొహం, అన్నింటికన్నా ముఖ్యమైన మోహం. మిగిలిన మోహాలు అన్నీ దీని చుట్టూ తిరుగుతూ ఉంటాయి. మోహం అంటే మృత్యువుతో సంఘర్షణ. మోహం ఉన్న చోట భయం ఉంటుంది. మోహం సఫలమైనా కాకపోయినా దుఃఖం గా మారుతుంది. పరమాత్మ అనుగ్రహం కలిగినప్పుడే ప్రేమ అంకురిస్తుంది. పుణ్యం చేసి పాపాన్ని పోగొట్టుకోలేము. పాపాన్ని జ్ఞానంతో మాత్రమే తొలిగించగలము.