సూర్యోపస్థాన మంత్రం

 @⁨Subramanyam Vidik Fn Dr Homeo⁩ గారు, మీరు పెక్కు సమయాలలో మధ్యాహ్నీక సంధ్యావందన శుభాకాంక్షలను మన సమూహపు మిత్రులందరికి తెలియజేస్తూనే వుంటారు. ఎంతటి గొప్ప ఆలోచన. 

ఈ మధ్యాహ్నీకంలోని సూర్యోపస్థాన మంత్రం ఎంతో గొప్పదైనది. ఈ మంత్ర భావము తెలుగులోను ఆంగ్లంలోను సభ్యుల విజ్ఞానం పెంపొందుటకు ఈ సమూహములో పొందుపరుస్తున్నాను. 

పశ్యేమ శరదఃశతం

జీవేమ శరదఃశతం

నందామ శరదఃశతం

మోదామ శరదఃశతం

భవామ శరదఃశతం

శృణవామ శరదఃశతం

ప్రబ్రవామ శరదఃశతం

అజీత శ్యామ శరదఃశతం

జ్యోక్చ సూర్యం దృశే

భావము:

వందయేళ్ళు ప్రార్థించాలి

వందయేళ్ళు జీవించాలి

వందయేళ్ళు భంధువులతో కలిసిమెలిసి వుండాలి

వందయేళ్ళు ఆహ్లాదంగా గడపాలి

వందయేళ్ళు కీర్తి యశస్సుతో మెలగాలి

వందయేళ్ళు మంచిదే వినాలి

వందయేళ్ళు మంచివే మాట్లాడాలి

వందయేళ్ళు యెటువంటి కీడు దరి రానీయకుండా జీవించాలి

యెల్లప్పుడు సూర్యభగవానుని వీక్షించుటయే నా ప్రార్థన

అంటే మనం వంద ఏళ్ళు ఆ ప్రత్యక్ష దైవము సూర్య భగవానుని అనుగ్రహంతో, కీర్తి యశస్సులతో, ఆయురారోగ్యైశ్వర్యాదులతో సద్గుణసంపన్నులుగా నిండు నూరేళ్ళ పైగా దైనందిన జీవనవిధానమగు భౌతిక, సామాజిక మరియు ఆధ్యాత్మిక కర్తవ్యాలను నిర్వహించడానికి గాను తగు దేహారూఢ్యముతో జీవించాలని ప్రార్థిస్తున్నామన్నమాట.

అనగా వంద ఏళ్ళు జీవించడం అన్నది దేవుడెరుగు, కాని మనం ఉన్నన్నాళ్ళు ఆరోగ్యంతో దేహదారూఢ్యంతో ఉండాలన్నదే అందరి ఆకాంక్ష. ఎలాంటి అనారోగ్యం పాలుకాకుండా మన దైనందిన కర్తవ్యాల గురించి పరాధీనులు కాకుండా శాంతియుతంగా నిష్కృమించాలన్నదే దీని ఉద్దేశం.