సుభాషితమ్

            _*సుభాషితమ్*_

 𝕝𝕝శ్లో𝕝𝕝

*కదర్థిస్యాపి హి ధైర్యవృత్తేః*

*న శక్యతే ధైర్యగుణఃప్రమార్ష్టుం|*

*అధోముఖస్యాపి కృతస్య వహ్నేః*

*నాధశ్శిఖా యాతి కదాచిదేవ||*

తా𝕝𝕝 

*నిప్పును తలక్రిందులుగా పట్టుకున్నప్పటికీ దాని జ్వాల పైకే ఎగిసిపడుతుందికదా.... అట్లే ఎన్ని కష్టాలెదురైననూ ధీమంతుడు తన ధైర్యాన్ని విడనాడడు*.....

[15/04, 9:11 am] Srmada Vdk Br Fn: *శ్రీ సూక్తము-10*

*మనసః కామమాకూతిం వాచః సత్యమశీమహి౹*

*పశూనాం రూపమన్నస్య మయి శ్రీః శ్రయతాం యశః॥*

తా॥ 

ఓ లక్ష్మీ! మనస్సులోని కోరిక, సంకల్పము, మాటయందలి సత్యము, పశువులవలన క్షీరాదులు, అన్నము మున్నగునవి, సంపద, కీర్తి - ఇవన్నియును నాకు గలుగు గాక!

 శ్లోకం:

*దశ ధర్మం న జానంతి ధృతరాష్ట్ర నిబోధ తాన్ ।*

*మత్తః ప్రమత్త ఉన్మత్తః శ్రాంతః క్రుద్ధో బుభుక్షితః ॥*

*త్వరమాణశ్చ భీరుశ్చ లుబ్ధః కామీ చ తే దశ ।*

*తస్మాదేతేషు భావేషు న ప్రసజ్జేత పండితః॥*

                               ~విదుర నీతి

భావం: ధృతరాష్ట్ర మహారాజ! ధర్మం తెలియని వారు లేక ఆచరించని వారు పది రకాలుగా ఉంటారు – మత్తులో ఉన్నవారు, శ్రద్దలేనివారు, పిచ్చివారు, అలసటతో ఉన్నవారు, కోపంతో ఉన్నవారు, ఆకలితో అలమటించేవారు, తొందరపాటు మనుషులు, భయాందోళనలు గలవారు లేక పిరికివారు, దురాశాపరులు లేక పిసినారులు, మరియు కామాంధులు. అందుకే పండితులు వీళ్లందరితో సాన్నిహిత్యాన్ని తగ్గించుకోవాలి.

*శ్రీ సూక్తము-11*

*కర్దమేన ప్రజాభూతా మయి సంభవ కర్దమ౹*

*శ్రియం వాసయ మే కులే మాతరం పద్మమాలినీమ్॥*

తా॥ 

లక్ష్మీదేవి కర్దముడను పుత్రుని సుపుత్రుడు కలదిగా అయినది. కావున ఓ కర్దముడా! నీవు నా యింటియందుండుము. పద్మమాలికలు ధరించి నదియు, నీ తల్లియు నగు లక్ష్మీదేవిని నా వంశమున నుండునట్లు చేయుము.

 శ్రీరామకృష్ణమఠపు ప్రచురణలలోని “శంకర ఉవాచ” అనే పుస్తకములో *అవిద్య, గురువు -శిష్యుడు, నే నెవడు, వైరాగ్యస్తుతి, నిర్వాణ షట్కము, జ్ఞానము, ఆత్మ, బ్రహ్మము, పరిశిష్టము, ప్రార్థన* అనే విషయముల గుఱించి వ్రాయబడింది. వాటిలో *“అవిద్య”* గుఱించి మొదట్లో వ్రాయడం జరిగింది. ఇప్పుడు *‘గురువు - శిష్యుడు’* గుఱించి ఈ రోజునుంచి మొదలుపెట్టబడింది.

*శ్రీ శంకర ఉవాచ:*

*గురువు ~ శిష్యుడు.*

1. వేదవిదుడు, పాపరహితుడు, కోరికలు లేనివాడు, బ్రహ్మవిదులలో శ్రేష్ఠుడు, బ్రహ్మనిష్ఠుడు, ఇంధనములేని అగ్నివలె శాంతుడు, అవ్యాజకరుణా సముద్రుడు, శరణాగత సుజనులకు మిత్రుడు అగువాడు నిజమగు గురువు.