బ్రహ్మజ్ఞానావళీ మాల
సకృచ్చ్రవణ మాత్రేణ బ్రహ్మజ్ఞానం యతో భవేత్‌ |
బ్రహ్మ జ్ఞానావళీ మాలా సర్వేషాం మోక్ష సిద్ధయే ||
1. అసంగోఽహం అసంగోఽహం అసంగోఽహం పునః పునః
సచ్చిదానంద రూపోఽహం అహమేవాఽహమవ్యయః ||
2. నిత్యశుద్ధ విముక్తోఽహం నిరాకారోఽహమవ్యయః
భూమానంద స్వరూపోఽహం అహమేవాఽహమవ్యయః ||
3. నిత్యోఽహం నిరవద్యోఽహం నిరాకారోఽహమచ్యుతః
పరమానంద రూపోఽహం అహమేవాఽహ మవ్యయః ||
4. శుద్ధ చైతన్య రూపోఽహం ఆత్మారామోఽహమేవచ
అఖండానంద రూపోఽహం అహమేవాఽహ మవ్యయః ||
5. ప్రత్యక్ చైతన్య రూపోఽహం శాంతోఽహం ప్రకృతేః పరః |
శాశ్వతానందరూపోఽహం అహమేవాఽహ మవ్యయః ||
6. తత్వాతీత పరాత్మాహం మధ్యాతీతః పరః శివః
మాయాతీతః పరంజ్యోతిః అహమేవాఽహ మవ్యయః ||
7. నానా రూపవ్యతీతోఽహం చిదాకారోఽహ మచ్యుతః |
సుఖ రూప స్వరూపోఽహం అహమేవాఽహ మవ్యయః ||
8. మాయాతత్కార్య దేహాది మమ నాస్త్యేవ సర్వదా |
స్వప్రకాశైక రూపోఽహం అహమేవాఽహ మవ్యయః||
9. గుణత్రయవ్యతీతోఽహం బ్రహ్మాదీనాం చ సాక్ష్యహమ్‌ |
అనంతానంద రూపోఽహం అహమేవాఽహ మవ్యయః ||
10. అంతః జ్యోతి స్వరూపోఽహం కూటస్థః సర్వగోఽస్మ్యహమ్‌
సర్వసాక్షి స్వరూపోఽహం అహమేవాఽహ మవ్యయః ||
11. ద్వంద్వాది సాక్షి రూపోఽహం అచలోహం సనాతనః |
సర్వసాక్షి స్వరూపోఽహం అహమేవాఽహ మవ్యయః ||
12. ప్రజ్ఞాన ఘన ఏవాఽహం విజ్ఞాన ఘన ఏవచ
అకర్తాఽహం అభోక్తాఽహం అహమేవాఽహ మవ్యయః ||
13. నిరాధార స్వరూపోఽహం సర్వాధారోఽహ మేవచ
ఆప్తకామ స్వరూపోఽహం అహమేవాఽహమవ్యయః ||
14. తాపత్రయ వినిర్ముక్తః దేహత్రయ విలక్షణః
అవస్థాత్రయ సాక్ష్యస్మి అహమేవాఽహ మవ్యయః ||
15. దృగ్ దృశ్యౌ ద్వౌ పదార్థౌస్తః పరస్పర విలక్షణౌ |
దృగ్ బ్రహ్మ దృశ్యం మాయేతి సర్వవేదాన్తడిండిమః ||
16. అహం సాక్షీతి యో విద్యాద్‌ వివిచ్యైవం పునః పునః |
స ఏవ ముక్తస్స విద్వాన్‌ ఇతి వేదాన్త డిండిమః ||
17. ఘటకుడ్యాదికం సర్వం మృత్తికామాత్రమేవ చ |
తద్వద్‌ బ్రహ్మ జగత్సర్వం ఇతి వేదాంత డిండిమః ||
18. బ్రహ్మసత్యం జగన్మిథ్యా జీవో బ్రహ్మైవ నా పరః |
అనేన వేద్యం సచ్చాస్త్రం ఇతి వేదాన్త డిండిమః ||
19. అంతర్జ్యోతిః బహిర్జ్యోతిః ప్రత్యగ్జ్యోతిః పరాత్పరః |
జ్యోతిర్జ్యోతిః స్వయంజ్యోతిః ఆత్మజ్యోతిః శివోఽస్మ్యహమ్‌ ||
ఇతి శ్రీ శంకరాచార్యకృత బ్రహ్మ జ్ఞానావళీ మాల సమాప్తము.
కామెంట్‌లు లేవు:
కామెంట్‌ను పోస్ట్ చేయండి