వీధిశూలం

 విష్ణుంపృష్టం వీధిశూలం శక్తిపార్శ్వంచ వర్జయేత్ దృష్టించ శివమూర్త్యగ్రే శోకరోగ భయప్రదం (గార్గేయాగమమ్)

తా|| విష్ణువునకు వెనుక, *శక్తిదేవతలకు ఇరుప్రక్కలయందు* , శివునకు ముందుభాగములో దృష్టిదోషము ఉండును. దానివలన శోకరోగభయములు కలుగును.

శివాలయమునకు ఎదురుగా ఇల్లు వుండిన శివదృష్టి వేధకల్గును, విష్ణు ఆలయమునకు వెనుక ఇల్లు వుండిన విష్ణుపృష్ట వేధకలుగును *, దుర్గమొదలగు స్త్రీ దేవతా ఆలయములకు కుడి - ఎడమ ప్రక్కల ఇల్లు వుండిన...శక్తి పార్శ్వ వేధ కలుగును* , విఘ్నేశుని దృష్టి పైకి ఉండుటచే ఎత్తుగా వుండిన మేడలకు (ఊర్ధ్వదృష్టి వేధాదోషము) ఈ వేధ వలన తీవ్ర బాధలుకలుగును. కనుక ఏదేవుని ఆలయమునకు అయిననూ ప్రాకారములకు వెలుపల కనీసము వందబారలు ఆవల వుండేటట్లు గృహనిర్మాణము చేసుకొనిన కనీసం రెండుబండ్లు (లేక రెండు బస్సులు) పోవుటకు తగినవిశాలము కలిగిన వీధులు వుండి దానికి ఆవల వుండిన స్థలముల యందు గృహనిర్మాణము చేసికొనినచో, దేవతావేధలు నివారింపబడి, సుఖ, సంతోష, భోగ, భాగ్య, ధన, ధాన్య, వంశాభివృద్ధి కలిగి ఐశ్వర్యమును పొందుతారు.