ఈ శరీరం ఈయబడింది

 ఆత్మీయమిత్రులారా ! 

* తనను తాను తెలుసుకోవడానికి మాత్రమే మానవునికి ఈ శరీరం ఈయబడింది .

                                    - స్వామి వివేకానంద 

* దేవుణ్ణి అన్వేషించేవాడు అందరికంటే వివేకవంతుడు దేవుణ్ణి కనుక్కున్నవాడు అందరికంటే సాఫల్యవంతుడు - పరమహంస యోగానంద.

* నిజం అనేది ప్రాపంచికమైనది " సత్యం " అనగా భగవంతుడు మాత్రమే మరోమాట లేదు .

                                           - సద్గురువులు 

* మానవజన్మ అసలు గమ్యం అసలు లక్ష్యం పరిపూర్ణుడుగావడమే మరొకటి లేదు గాక లేదు .

                                         - బ్రహ్మర్షి పత్రీజీ 

          * అక్రోధ, వైరాగ్య, జితేంద్రియత్వం 

             దయ, క్షమ , సర్వజనప్రియత్వం 

             నిర్లోభ, దాన, భయ , శోకవర్జితం 

             జ్ఞానస్య చిహ్నం దశ లక్షణాని .

* అక్రోధ - క్రోధం లేకుండుట . వైరాగ్య - వైరాగ్య భావాలు కలిగి ఉండుట . జితేంద్రియత్వం - ఇంద్రియనిగ్రహం కలిగి ఉండుట . దయ - దయాభావం ఎల్లవేళలా కలిగియుండుట . క్షమ - క్షమించేగుణం కలిగి ఉండుట . సర్వజనప్రియత్వం - సర్వ జీవులపట్ల , సర్వజనులపట్ల అహింసభావం కలిగి ప్రియంగా సంచరించుట . నిర్లోభ - లోభితనం లేకుండా ఉండుట . దాన - తన దగ్గర ఏమి ఉంటే అది ఇతరులకు ఇవ్వగలిగే స్వభావం కలిగియుండుట . భయ - భయం అనేది ఇసుమంతైనా లేకుండా ధీరుడిగా ఉండుట . శోకవర్జితం - ఏడుపు అనగా దుఃఖం అనేది లేకుండా ప్రాపంచికంలో కూరుకుపోకుండా ఉండగలగడం .

* ఈ పది లక్షణాలు కలిగియున్నవాడే ఒకానొక జ్ఞానిగా పిలువబడతాడు మిగిలినవారంతా అజ్ఞానులుగా పరిగణింపబడతారు అని సద్గురువులు చెబుతుంటారు .  

* ఆథ్యాత్మికంలో తొందర పనిచేయదు . ఇప్పుడే నేను అలా అయిపోతాను అంటే అవ్వొచ్చు కానీ .... దానికి ఎన్నోజన్మలు ఎత్తి ఎన్నో అనుభవాలు పొంది ఎన్నో గుణపాఠాలు నేర్చుకుని ఇక నేర్చుకొనుటకు నేర్పుటకు ఏమీలేదు అను స్థితికి మానవుడు చేరుకోవాలి. ఎప్పటికైనా అందరూ ఆ స్థితికి చేరుకోవాల్సిందేనాయనా అన్నారు కొందరు ..🙏

🌺🌺🌺🌺🌺🌺🌺🌺🌺🌺