నామకరణం

 శ్లోకం:☝️నామకరణం

*జాతానంతరమేవ నామకరణం*

  *త్వేకాదశాహేస్ఫుటం*

*పుత్రస్యైవ సమాక్షరంతు యువతేః*

  *కార్యంతతోవ్యత్యయం l*

*శుద్ధిర్జాతకవచ్చనామ్ని*

  *సకలై స్తద్ద్వాదేశేషోడశే*

*ద్వావింశేప్యధవింశకేహ్ని*

  *విహితం జాతివ్యవస్థాంవినా ll*

భావం: కుమారుడు కలిగిన వెంటనే ( జాతకర్మ అనంతరం ) అతను పుట్టిన నక్షత్ర నామమును ( అనగా రోహిణి నక్షత్రంలో జననమైతే రౌహిణుడు మొ..గు విధంగా) రహస్యముగా నామకరణము చేయవలెను. తదనంతరం 11 రోజు కుమారునికైతే సరి సంఖ్య ( అనగా శివ, మహేశ్వర, కృష్ణ ) లో, కుమార్తెకైతే బేసి సంఖ్య ( అనగా జానకీ, పార్వతీ, భవానీ ) లో నామములు నిర్ణయించవలెను. జాతకర్మ వలెనే ఈ నామకరణమునకు కూడా లగ్నాది శుద్ధి చూసుకుని చేయవలెను. జాతి భేదములేక నాలుగు వర్ణములవారు పుట్టినది మొదలు 12, 16, 20 లేదా 22 దినములలో నామకరణం చేయవలెను.