నీభాగ్యంబుసామాన్యమే

 నీభాగ్యంబుసామాన్యమే!!

బ్రాహ్మీదత్తవరప్రసాదుడ,వురుప్రజ్ఞావిశేషోదయా

జిహ్వస్వాంతుడ,వీశ్వరార్చన కళాశీలుండ ,వభ్యర్హిత

బ్రహ్మాండాది మహాపురాణచయ తాత్పర్యార్ధ నిర్ధారిత

బ్రహ్మజ్ఞానకళా నిధానమవు,నీభాగ్యంబుసామాన్యమే!!

శృంగారనైషధం-శ్రీనాధకవిసార్వభౌముడు.- అవతారిక-13పద్యం!!

        కాశీఖండమయః పిండమ్-నైషధం విద్వదౌషధం-అనేది పండితవాక్యం.ఇది

హర్షనైధమునకే వర్తించునని కొందరందురుగాక! శ్రీనాధకృతికిని ఇదివర్తించునన్నది,

ఈపద్యమేనిరూపణము.

          శ్రీహర్షుని కృతినాంధ్రీకరింపవలెనన్న ఆకవి కెంతసత్తువకావలెను.ఎన్ని విషయములు తెలియవలెను. ముందు

ఆతడుసరస్వత్యుపాసకుడైనకాని సాధ్యపడదు.ముందుగాశ్రీనాధునకు గలయోగ్యలెట్టివో పరిశీలింపుడు.

1 బ్రాహ్మీదత్తవరప్రసాది. ఉపాసనాబలం

తనబలంగా జోడించుకున్నవాడు.కాబట్టి రచనకు తిరుగుండదు.

2ఉరుప్రజ్ఞావిశేషోదయాహిజ్వస్వాంతుడవు."ఉరుప్రజ్ఞ-అంటే కావ్యోత్పత్తిహేతువులలో ముఖ్యమైన "ప్రతిభ"- ఆప్రతిభాసమున్మేషంలో ఆదిశేషునిప్రభావగుంభితమనంబుగలవాడవు.

3ఈశ్వరార్చన కళాశీలుండు.

        పరమేశ్వరారాధన మొకకళగా నెరిగినవాడు.శివారాధనాతత్పరుడు.

శివార్చనాఫలము అష్టవిధవిభూతులు.

అందులో వశిత్వమున్నది.అదియే కావలసినది తలచినంతనే మూలకావ్యార్ధమంతయు వశమే!

4అభ్యర్హితబ్రహ్మాండాది మహాపురాణచయ తాత్పర్యార్ధ నిర్ధారిత

బ్రహ్మజ్ఞానకళానిధానం. అష్టాదశపురాణసముదాయమునగలతాత్పర్యార్ధమునందుసూచింపబడిన

పరంబ్రహ్మస్వరూపమును నిరూపణముచేయగలవాడు.

     ఇదీ శ్రీనాధునికవనసత్వము.

కవితాసామర్ధ్యము.

     ఈమాటలు శ్రీనాధకృతి స్వీకృత సుకృతి మామిడి సింగనా మాత్యుని మాటలు!

          "అహో !కవిసార్వభౌమా!శ్రీనాధకవీంద్రా!నీకవనసామర్ధ్యముఅపురూపము,అనన్యసామాన్యము.

"నాస్తియేషాం యశఃకాయే జరామరణజం భయమ్!!

                             

                                   స్వస్తి!🙏🙏🙏🙏💐💐💐💐💐💐💐💐💐💐🌷🌷🌷🌷🌷🌷🌷🌷🌷🌷🌷🌷

                                         🙏