మనమున నూహపోహణలు

 శు  భో  ద  యం🙏

"మనమున నూహపోహణలు మర్వకమున్నె, కఫాది రోగముల్

తనువుననంటి మేనిబిగి తప్పకమున్నె, నరుండు మోక్షసా

ధన మొనరింపగావలయు; తత్త్వవిచారము మానియుండుటల్

తనువునకున్ విరోధమది, దాశరథీ! కరుణాపయోనిధీ!"-

(దాశరథి శతకము  -  రామదాసు)

భావము: మనస్సునకు ఆలోచించే శక్తి  నశించక మున్నే, శ్లేష్మ కఫాదులప్రకోుమున వ్యాధులు దేహమున వ్యాపింపక మున్నే , మానవుడు ఆధ్యాత్మికసాధనతో పరమాత్మను గురించి విచారము చేసి, మోక్షసాధనకుయోగ్యమగు నుపాయములను అన్వేషింపవలెను.  తర్వాత ఇటువంటి ప్రయత్నం చేయుటకు సాధ్యము కాదు" అనుచున్నాడు రామదాసు.

ఈ పద్యములో కవి, మానవుని శరీరము అల్పమైనదని, క్షణికమైనదని, అది ఎప్పటికైనా రోగగ్రస్తము కావచ్చునని, దేహమున సత్తువ యున్నప్పుడే పరమాత్మను గురించి విచారించి, మోక్షసాధనకు మార్గం కనుగొనవలెనని, సందేశము!

                            స్వస్తి

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷