పాపులు కొంద రుందురు

 ఉ.పాపులు కొంద రుందురు వివర్జిత శీలురు తమ్ము తాము నే

దోపగిదిన్ కుచేష్టల నయుక్తముగా పొగడొందు కొంచు నిం

కేపని పాటలేక తమ కెన్నక మేలును గూర్చు వారికే

పాపమెరుంగ నట్టి పరివారము కెన్నుచు కీడొనర్చుచున్౹౹ 67

మ.ఉపకారమ్మె సమస్త జీవులకు సర్వోత్కృష్టమై వెల్గగా

నపకారమ్మున హాని గల్గు, నఘమే యాతవ్యుడై కాల్చెడున్

కపటమ్మెన్న నరిష్ట హేతువగు, సంఘమ్మందు విద్రోహిగా

నపకీర్తి న్మహి మూటగట్టుకొన లక్ష్యార్థమ్ము సిధ్ధించునే?!౹౹ 68