హృద్యంబుగ రచియించగ

 *2056*

*కం*

హృద్యంబుగ రచియించగ

పద్యంబుకు విలువ హెచ్చు పదపడి జనులన్.

సేద్యంబగు రచనలెపుడు

సద్యంబులకన్న వెలుగు సతతము సుజనా.

*భావం*:-- ఓ సుజనా! హృదయాలను తాకే విధంగా రచించినప్పుడే పద్యం విలువ పెరుగుతుంది. కృషి చేసి చేసే రచన వేగంగా అప్పటికప్పుడే చేసిన రచన కంటే గొప్పగా ఉంటుంది.

*సందేశం*:-- అవధానాదులలో వెంటనే చేసే కవనం వారి సాహిత్య ప్రకర్షను తెలుపగలవే గానీ సందేశాత్మకంగా ఉండే అవకాశం తక్కువ.

*** *కొంపెల్ల శ్రీనివాస శర్మ*